Page 109 - Кэнчээри ыччат туһугар

СУ^СэнЪээри ыпат туИигар

САХА ӨРӨСПҮҮБҮЛҮКЭТИН

ДЬАХТАЛЛАРЫН XV СЪЕҺЭ

Мин Найахыга олорон, «наставниктар сүбэлэрин тэрий» диэн А.Н. Божедонова этии-
тинэн Саха Өрөспүүбүлүкэтин наставниктарын сүбэтин салайааччыта буолбутум, онон
олорор нэһилиэкпэр тэрийбитинэн барбытым. Ону таһынан Дүпсээҕэ, Чэриктэйгэ,
Суоттуга, Түүлээххэ, Курбуһахха тэриллиилэригэр сүбэ-ама буолан көмөлөспүтүм.
Онон өрөспүүбүлүкэҕэ наставниктар сүбэлэрин чилиэнинэн ылбыттара, ол түмсүүттэн
Саха Өрөспүүбүлүкэтин дьахталларын XV съеһигэр делегатынан талбыттара. Улуустан
барыта 14 делегат буолан сырыттыбыт. 14 араас хайысхалаах площадканан хайдыһан
үлэлээтибит. Бу съезд уруккуттан уратыта диэн онлайн (зуум) уонна офлайн көрүҥнэ-
ринэн ааста, Дьокуускай куоракка киирэн сырыттыбыт. Тэрээһиҥҥэ барыта 500 тахса
делегат кыттыыны ылла. Бастакы күн Уус Алдан салалтата баһылык Борисов М.В. уонна
профсоюз салайааччыта Дегтярев Н.Н., ыҥырыылаах ыалдьыттар Винокурова З.Д. уонна
Божедонова А.Н. буолан көрүстүбүт. Маны сүрүннээн Уус Алдан улууһун бэрэстэбиитэлэ
Заболоцкая Л.С. салайан ыытта. Ол кэнниттэн Правительство 2 нүөмэрдээх дьиэтигэр
Саха сирин дьахталларын хамсааһынын туһунан кинигэ тахсыбытын презентацията
буолла, онно Черепанова А.П., Кириллина В.И., Божедонова А.Н., Андреева А.Е., о.д.а.
кыттыыны ыллылар.
Ол кэнниттэн наставниктар көрсөн, «төгүрүк остуол» тула кэпсэтиһии буолла, онно
мин ыыппыт үлэбин билиһиннэрдим уонна суругунан суруллубут уопуппун тарҕаттым.
Сарсыҥҥы күнүгэр площадкаларынан сырыттыбыт. Кулун тутар 4 күнүгэр Саха
театрыгар Дальневосточнай форум буолла, манна сорохтор «зуум» нөҥүө кыттыыны
ыллылар. Москваттан, Амурскай, Читинскай уобаластартан, Хабаровскай, Камчатскай,
Приморскай кыраайдартан, Бурятияттан уо.д.а. холбостулар. Форуму Федосия Габышева
салайан ыытта. СӨ правительствотын бэрэссэдээтэлэ Андрей Тарасенко элбэх оҕолоох
13 ийэҕэ, дьахтар хамсааһынын сэттэ актыбыыһыгар наҕараадалары туттартаата. Съезд
бүтэһигэр резолюция ылынныбыт.
Делегацияны улуустааҕы дьахтар сэбиэтин бэрэссэдээтэлэ Аммосова Люция
Власьевна салайан илдьэ сырытта.
Нат алъя Г ригоръевна Говорова,
съезд делегата (