Page 33 - Кэнчээри ыччат туһугар

С^Сэн1ээри ы11ат т Ч»

КОПЫРИНА МАРИНА РОМАНОВНА
(16.03.1946)

«Уус Алдан улууһун социалънай-экономическай сай-
дыытыгар кылаатын иһин», «С.Ф. Гоголев аатынан
Дъокуускайдааҕы педагогическай колледж бочуоттаах
выпускНига» бэлиэлэр, Ленинскэй комсомол 100 сылынан
бочуоттаах орденын хаһаайката, Саха Өрөспуубулукэтин
бочуоттаах бэтэрээнэ, улэ бэтэрээнэ

Мин 1946 сыллаахха Уус Алдан оройуонугар Хоро нэһи-
лиэгэр Куотука диэн алааска холкуостаах дьиэ кэргэҥҥэ
төрөөбүтүм. Ийэм Данилова Пелагея Николаевна эрдэ өлөн,
соҕотох аҕаҕа Крылов Роман Кузьмичка бырааттарбынаан
үһүөн иитиллэн, киһи-хара буолбуппут. Билигин бииргэ
төрөөбүт иккиэбит.
Орто анал үөрэҕи 1967 сыллаахха ДьПУ-2 бүтэрэн,
иитээччи идэтин ылбытым. Ылбыт идэбинэн икки үөрэх
дьылыгар Мэҥэ-Хаҥалас оройуонугар 1 Тыыллыма нэһи-
лиэгэр Лоомтукаҕа 70 миэстэлээх оҕо саадыгар иитээччинэн үлэлээбитим. Бу дет-
садка оҕолор сылы быһа сылдьаллара, алта биригээдэттэн кэлэллэрэ, сайын биирдэ
бараллара. Группабар 28-30 оҕо сылдьара, сэбиэдиссэйим Дария федоровна Баишева
этэ. Бастаан үлэлээбит детсадым элбэххэ үөрэппитэ. Ийэбин солбуйбут аҕабын кытта
бииргэ буолаары бырааттарбын көрөөрү
Майаҕаска кэлбитим.
1974 сыллаахха аналбын көрсөн, ыал
буолбутум. Кэргэмминээн Гаврил Антоно-
вич Копыринныын 35 сыл эйэ дэмнээхтик
дьоллоохтук олорбуппут. Олоҕум оһуо-
рдара уоллаах, кыыс оҕолоохпут, түөрт
сиэннээхпит.
1969 сыл атырдьах ыйын 15 күнүттэн
2001 сыл алтынньы ый 3 күнүгэр диэри
Майаҕастааҕы «Чуораанчык» оҕо саа-
дыгар 32 сыл сэбиэдиссэйинэн үлэлээн,
билигин пенсияҕа тахсан олоробун, үлэм
уопсай стаһа 35 сыл. Туох барыта бэйэтин
кэминэн сыаналанар. Ким туох кыахта-
аҕынан, дьоҕурдааҕынан анаммыт үлэ-
тигэр үлэлиэхтээх диэнинэн салайтаран
үлэлээбитим. Бэйэм үлэлээбит кэмнэрбин
үтүөтүк саныыбын, үгүс дьону кытта алтыһан, элбэххэ үөрэнэн кэллэҕим.
Майаҕас детсада 1959 сыллаахха үлэҕэ киирбит этэ, мин иннибинэ алта сэбиэдиссэй
үлэлээн ааспыт, иитээччилэр да үгүстүк уларыйа тураллар эбит. Мин үлэбин кадр боп-
пуруоһуттан саҕалаабытым. Нэһилиэккэ олорор бэйэ дьонун үлэҕэ ылбытым, үөрэттэр-
битим. Детсад материальнай базатын бөҕөргөтүүгэ, иитэр-үөрэтэр үлэҕэ программаны
киллэрии, олохтооһун, төрөппүттэри кытта үлэни күүһүрдүүгэ үлэлэр былааннаахтык
тэриллибиттэрэ. Сэбиэдиссэйинэн үлэлээбит кэмнэрбэр уонча сэбиэт бэрэссэдээтэлин,
икки баһылыгы кытта үлэлээн ааспыппын. Бүттүүн нэһилиэгинэн сэттэ уонус сыллартан
саҕалаан саҥа тутууну, 50 миэстэлээх оҕо саадын, туруорса сатаабыппыт. Баҕа санаабыт
2018 с. дьэ туолан, саҥа таас детсад тутуллан билигин үлэлии турар.