Page 39 - Кэнчээри ыччат туһугар

тЬээри ыпаж муИугар V

Детсад үлэһиттэрэ бары «Ремтехпредприятиеҕа» көһөрүллүбүппүт, ведомственнай
детсад үлэһиттэрэ буолбуппут. Оҕо миэбэлэ, таҥастара, иһиттэрэ, туох баар туттуллар
мал-сал барыта саҥаттан тэриллибитэ.
Ол кэмҥэ детсад завхоһунан Винокурова Светлана Афанасьевна үлэлээбитэ. Кини
урут продавецтаабыт буолан, суот-учуот дьыалатын үчүгэйдик билэрэ, миэхэ улахан
көмө буолбута. Докумуону чуолкайдык оҥорбуттара.
Тохсунньу тымныытыгар Амматтан таһаҕас тиэйэн, икки хонон үһүс күммүтүгэр эр-
гиллэрбит. Дьокуускай куорат ыскылааттарыттан таһаҕаһы таһыы син ыарахаттардааҕа.
Олус тымныы кабиналаах самосвалларынан айанныырбыт.
1985 сыл балаҕан ыйыгар детсад саҥа дьиэҕэ көспүтэ. Уус Алдан оройуонугар бу
бастакы таас, толору хааччыллыылаах оҕо тэрилтэтэ үлэҕэ киирбитэ. Хас биирдии
төрөппүккэ, үлэһиттэргэ, олохтоохторго улахан үөрүү, сонун буолбута.
Саҥа детсадка саҥалыы үлэ-хамнас саҕаламмыта, иитэр-үөрэтэр үлэлэр тэриллэн
барбыттара. Методическай кабинет саҥаттан ситэриллэн оҥоһуллубута. Саха фолькло-
ругар аналлаах муннукка остуоруйалар геройдара папье-машенан оҥоһуллубуттара,
сахалыы оонньуулар, кинигэлэр, альбомнар бэлэмнэниллибиттэрэ.
Оҕону эт-хаан өттүнэн сайыннарыыга анаан детсад тас өттүгэр спортивнай площадка,
сыал быраҕар мишеннэр, сүүрэр площадка, горкалар, качеллар, сынньанар, оонньуур
беседка, пароход оҥоһуллубуттара.
Группаларга саастарынан араарыллан оҕолорго араас дьарыктар, күрэхтэһиилэр
ыытыллаллара.
Васильева Клавдия Ивановна «Инсэтиттэн иэдэйбит» диэн 1-кы кинигэтин тахсыыта,
оҕону тылы ситимнээн чуолкайдык саҥардыыга, тылын саппааһын байытыыга үлэ-
лииргэ саҥа кыымнары киллэриигэ улахан төһүү буолбута. Клавдия Ивановна саҕалаа-
быт үлэтин сайыннаран, саҥа кинигэлэри суруйан бэчээттэтэн, коллектив үлэтигэр
улахан олугу уурбута.
Иитээччи кыргыттары сайыннаран, үөрэтэн, Тарская Зоя Афанасьевнаны, Рожина
Саргылаана Михайловнаны, Сивцева Наталья Панкратьевнаны, Заболоцкая Матрена
Николаевнаны кытта күүстэрин холбоон үлэлээн, билигин Мындаабатааҕы «Кэнчээри»
оҕо саада-оскуола иннинээҕи саастаах оҕолору иитиигэ-үөрэтиигэ туспа көрүүлээх,
суоллаах-иистээх, элбэх ситиһиилээх, улууска, өрөспүүбүлүкэҕэ биллэр оҕо тэрилтэтэ
буолары ситиспиттэриттэн үөрэбин уонна киэн туттабын.
Үүнэр көлүөнэ ыччаты иитиигэ, үөрэтиигэ өссө да саҥаттан саҥа саҕахтары арыйан,
үрдүк ситиһиилэниҥ диэн алгыспын тиэрдэбин.
Мин 1979-1990 сс. Мындаабатааҕы «Кэнчээри» детсад сэбиэдиссэйинэн үлэлээн
баран, 1990-1996 сс. «Кэнчээри» детсадка иитээччинэн, онтон 1996-2005 сс. Дьокуускай
куорат спортивнай-туристическай базатыгар иитээччи-администраторынан үлэлээби-
тим.
Үлэм ыстааһа - 35 сыл.
Мындаабатааҕы КМО сала-
йааччытынан, Мүрү нэһилиэгин
Мындаабатын бөһүөлэгэр де-
путатынан талыллан үлэлээби-
тим. Кыайыы 75 сылыгар сэрии
кэмигэр кыайыыны уһансыбыт
эһэм уонна кини бырааттарын
туһунан кинигэни суруйан
таһааттардым. Билигин төрүччү
альбомун оҥорууга үлэлиибин.
Кэргэним Свинобоев Инно-
кентий Иннокентьевичтыын
икки кыыс, биир уол оҕолор-
доохпут, бары үрдүк үөрэхтээх
үлэһиттэр, биэс сиэннээхпит.