Page 81 - Воспитываем хозяев. Из опыта работы семейных бригад Республики Саха (Якутия)

с в м ш н ы е -йунгАцы а м с и у & ш ш с а х а ршутяя)

Соторутааҕыта Чурапчынан, Мэҥэ-Хаҥалаһынан, Уус-Алданынан командировкаҕа бара сырыттым. Сайын ус-
тата туруоруммут сыалбын ситиһээри, бэрт элбэх дьиэ кэргэн биригээдэтин кытта билистим. Иккис күммүтүгэр
Чурапчынан, Мэҥэнэн эргийэн Сыырдаахха кэлэн тохтуубут. Сыырдаах Эбэ быйыл хаһааҥҥытааҕар да туолан,
күөлэ тыала суохха ньуура сиэркилэ кэриэтэ килэбэчийэн көстөр. Балык арааһа, дьон эмис собо миинин, ыһаарытын
күннэтэ сииллэр. Бөһүөлэк ортотунан тимир турбалар тардыллыбыттар. Ыаллар сайыҥҥы водопровод уутун
туһанан абыраммыттар. Кабачогу, арбуһу хото үүннэрэн теплицаларын иһэ толору.
Биһиги Варвара Васильевна Сивцева сирдьиттээх "Дьулуур" диэн ааттаммыт инбэлиит, ону кытта инбэлиит
төрөппүттээх оҕолору түмэр дьиэ кэргэн биригээдэтигэр тиийэн кэлэбит. Түүн кинилэргэ кэлэн хонуох буолан
эрэннэрэн, оҕолор да, кини, салайааччы Зоя Дмитриевна да өр кэтэспиттэр.
Дьиэ кэргэн биригээдэтин салайааччыта Зоя Дмитриевна Петрова бэйэтэ инбэлиит, нэһилиэгэр инбэлииттэр
уопсастыбаларын бэрэссэдээтэлэ:
- Ыалдьар киһи олоххо тардыһыытын күүһүрдээри, санаатын көтөҕөөрү, дьонтон хаалсыбакка тэҥҥэ үлэлээн,
үөрэн-көтөн олоҕу кытта бииргэ буолалларын туһугар үлэлээбин. Быйыл лааҕырбытын иккис сылын ааһан олус
көхтөөхтүк үлэлии олоробут. 11 оҕолоохпут, онтон 2-тэ инбэлиит, тоҕуһа төрөппүттэрэ ыарыһахтар. Тугунан дьа-
рыктанаҕыт диэтэргит, көрөргүт курдук, оҕуруот аһын, сибэкки арааһын олордуу, үөрэх дьарыга, ол эбэтэр
мүнүүтэҕэ ааҕыы, диктаны, сочинениены суруйтарыы. Маны таһынан иис, оҥоһук уһуйааннарын ыытабын. Били-
гин сир аһа ситэн, үксүн тыаҕа тахсабыт. Биһиэхэ барыта оонньуу быһыытынан тэриллэр. Оччоҕо оҕоҥ ордук
арыллар, эйиэхэ чугас буолар.
Дмитриевтэр тэлгэһэлэрэ киэҥ да киэҥ. Оҕолорго анаан үрдүк, дьэрэкээн былааҕынан киэргэтиллибит шате-
ру туппуттар. Аттыгар хачыал, анньынар, тардынар - эрчиллэр тэрил. Кырачаан кыргыттар тугу эрэ гынан буку-
наһаллар, иһит сууйаллар эбит. Аттыларыгар чугаһаан интэриэстэрин тардабын: Сайыына Бурцева, Алина Пету-
хова, Мотя Петухова, Женя Ховров, Игорь Слепцов, Дьулус Бурцев, Толя Марков. Сэһэн-кэпсэл тардан саҥа-
иҥэ баһаам. Алина Петухова: "Мин иккис кылааска үөрэнэбин. Оҕуруокка уу кутабыт. Балаҕан ыйын 1-кы күнүгэр
оскуолабытыгар илдьэ барар сибэккилэрбитин бүөбэйдиибит. Олус көхтөөхтүк оонньуубут: "Ахчай-бахчай", "Вы-
ручкалаһа", "Царь - картошка". Мүнүүтэҕэ саамай элбэх тылы Мотя, Дьулус ааҕаллар".
Игорь "Лего"-ны олус сөбүлээн мунньар эбит, оттон Дьулус значогу, кинигэни, бэйэтэ этэринии хаһаанар.
Сайыына бу сайын сөбүлүүр дьарыгар умсугуйан айылҕа көстүүтүгэр бэрт элбэх уруһуйу оҥорбут. Маны таһынан
ахсааҥҥа дьарыктанарын сөбүлүүр. Ити курдук оҕолор үөрэхтэрин дьыла саҕаланна эрээри, иккис ийэлэрин
солбуйбут Зоя Дмитриевналарыттан барыахтарын баҕарбакка: "Сайыны уһаппыт киһи..."- дэһэ хааллылар. Ман-
тан салгыы оҕолорбут санааларын сурукка тиспиттэрин ааҕыаҕыҥ.

Т. Жиркова.
Сыырдаах. "Кэскил" хаһыат. 2007 с., атырдьах ыйа.