Page 1 - Р.П. Алексеев олонхоьуттар слеттарыгар этиитэ
P. 1

Аны иккис ыһыах туһунан
                                  Быһа тардыы
           (39с.) ... Дьэ, ол курдук, Чараҥай аҕатын ууһун дьадаҥылара,
      саастарын тухары баҕарбыт баҕа санааларын чахчы олоххо киллэ-
      рэр, саҥа былаас кэлбититтэн үөрбүт-көппүт кэмнэрэ буолан, бу
      ыһыахтарыгар эдэрдиин кырдьаҕастыын бары көхтөөхтүк үөрэ-
      көтө мустубуттар этэ. Бу ыһыах урукку 1915 сыллаах ыһыахтааҕар
      быдан ордук бэрээдэктээх буолбута. Кымыстан да, эттэн да киһи
      маппатаҕа.
           ...Ыһыах ыһылларын кытта түһүлгэҕэ киирэн олоҥхоггон кыл-
      гастык оонньоон көрдөрбүттэрэ. Онно Чараҥай олохтооҕо Хордьоҥ
      уола Маппый диэн киһи сирэйин бүтүннүү харыатанан баран абааһы
      уола буолан киирбитэ. Найахы нэһилиэгин киһитэ Сүөдэркэ уола
      Миичэ Охулуопкап Айыы бухатыыра буолан киирбитэ. Кинилэр ик-
      киэн утарыта көрсөн тураннар биирдии ырыаны ыллаабыттара уон-
      на охсуһан көрдөрбүттэрэ. Баатаҕай нэһилиэгин киһитэ Быыкаан
      Байбал дьабака бэргэһэ кэтэн, дьахтар былыргы таҥаһын таҥнан
      киирэн айыы дьахтара буолан ыллаабыта. (40 с.) *
           ...Оонньууну көрөн баран, сарсыарда барыах киһи сыыстым
      быһыылаах. Ордук олоҥхоһуттары, ырыаһыттары истэрим хааллаҕа
      диэн хом санаалаах испитим. Ол ыһыаҕы мин ситэ көрбөтөҕүм. Тугу
      көрбүппүнэн кэпсээтим. (47 с.) *
                                     1967 сымаахха кэпсээтим Алексеев Р.П.,
                                        суруйда Алексеева Акулина Романовна.
                   Ахтыыны олоҥхоһут сиэнэ Шелковникова Любовь Гаврильевна
                                          дьиэтээҕи архыыбыттан ыллыбыт,
                                                              Дьокуускай


      * Дьиэтээҕи архыыпка оҥоһуллубут «Көрбүт уонна сылдьыбыт чахчылар» паапка-
      тыттан

           Р.П.АЛЕКСЕЕВ ОЛОҤХОҺУТТАР СЛЕТТАРЫГАР ЭТИИТЭ
                           Кулун ту тар 23 кунэ 1959 сыл
           Таһырдьа таҕыстахха хаар туртайар, дьиэҕэ киирдэххэ уот кы-
      тарар. Былыр кор-нар суох. Аныгы курдук араадьыйа, бэчээт кэлиэ
      дуо? Олоҥхоһут, остуоруйаһыт кэллэҕинэ үтүлүгүн, бэргэһэтин кис-
      тиир этибит. Аны хоммокко, олоҥхолообокко, остуоруйалаабакка
      баран хаалыа диэн.
           Тэҥ соҕус олоҥхоһуттартан киһи үөрэнэр. Улуу олоҥхоһуту
      иһиттэхтэринэ баһыйтаран быраҕан кэбиһэллэр. Наара Суоҕу истэн
      баран үгүстэр быраҕаллар этэ. Үчүгэй олоҥхоһукка киһи баҕарар.
      Норуот кэрэхсиириттэн көрөн Наһаар Бөтүкүөп, Бачы Баһылай
      (Байаҕантай), Лэппэрдиир Испирдиэн, Чакычай кыыһа диэн аат-
      таах олоҥхоһуттар мин эрэ иннибэр үөскээн сылдьыбыттар. Олор-
      тон сорохторун кыра сылдьан истибитим, мин 14 саастаахпар.
           1930 сылга диэри олоҥхолуурум, ыллыырым. Кырдьаҕастар
      4 Заказ № 359                                                   49
   1   2