Page 2 - Р.П. Алексеев олонхоьуттар слеттарыгар этиитэ
P. 2

буойаллар этэ. Ону уоран олоҥхолуур этим. Религияны быраҕар
        кэмҥэ, атыны, абааһыны туойар себе суох курдук буолан олоҥхо
        кэдэйэ сылдьыбыта. Олоҥхолуур, былыргыны кэпсиир киһини ки-
        риитикэлиир буола сылдьыбыттара.
             Олоҥхо хаалла. Олоҥхоттон быһыта тыытан кэпсэттэрэллэр.
             Ырыабынан мелтех этим, онно ырыам кэлбэт. Кэнникинэн ыл-
        лаан бардахпына табыллар буолар этэ. Кэпсээммэр дьон сыҕарыйа-
        сыҕарыйа истэр буолаллара.
             Бэҕэһээ да норуот иһиллииргэ дылы гынар. Олоҥхобун быраҕан
        баран, 1947—48 сылларга бу кэрэ олоҕу хоһуйар баҕа киирэн, ыл-
        лаан баартым. Олоҕум сатаммакка — оҕолорум өлөн быраҕа сылдьы-
        бытым. Кинигэбин төттөрү бырахпыттара, онтон мин эмиэ бырах-
        пытым. Аһыы санаа киһи өйүгэр oxcop эбит. Онон тылым тахсыбат
        буола сылдьыбыта. Ыллыахпын олох баҕарбат этим. Хата, хара үлэ
        киһини аралдьытар.
             Солото суох дьон биһиги иннибитигэр үлэлииллэр. Бу, Эргис
        тылга бириинчик, чиҥ холобурдаах буолуохтаах. Сахсархай миэхэ
        туһалыа суоҕа. Норуокка тылынан тахсара чин? буоллар сеп. Сол-
        куобайга кыһаллабыт. Ол гынан баран мууһу-хаары чөмөхтөөн
        ылыахпын баҕарбаппын. Муус-хаар сотору ууллан хаалыа. Хата, ти-
        мири, ыстаалы аалан таһаардар ордук үйэлээх буолуо этэ. Ол, бука,
        кытаанах буолуо. Биһиги ааппытынан туох эмэ тахсара буоллар сеп
        буолуо этэ. Бэлиэҕэ, саатар, биирдиини таһаардаргыт, бу кыра тэт-
        тиктэртэн.
             Айымньыларбар ким да биир да остуоруйаны тупсарбатаҕа.
        Былыр Дьяконов маҥнай суруйбута уонна тыа оҕолоро суруйан
        кереллер да бэчээккэ кыайан тахсыбат.
             Бастаан мин төрөөбүт дойдум туһунан хоһуйан «Мүрү» диэн
        поэманы суруйтарбытым, онтон «Өлүөнэ» диэни киэҥник суруйаа-
        ры оҥостубутум. Мин аартык устун барбатаҕым. Үөрэҕэ суох киһиэхэ
        ыарахан. Мантан туох эмэ тахсыбатаҕына, аны хат суол солоон ба-
        рар суох буолуо.
             Биһиги тылбытын мае кэлиигэ сынньан таһаарабыт. Эһиги
        курдук ыстаал кыстык бөрүөбүт суох. Биһиги аҥаар уһугуттан хаай-
        тарабыт. Эһиги истиэнэ хоруопкатыгар тылгытын хаайан олороҕут.
             Былыргы курдук тыллаах Ойуунускай, Кулаковскай, Уурастыы-
        рап айымньылара бэрт минньигэстик киирэллэр, эд эр саастарыгар
        ырыаны, олоҥхону истибит дьон буолан. Билигин поэма суруйдах-
        тарына суолтата үрдүк. Тыла, уобараһа эдэр дьон киэнэ лекция кур­
        дук. Киһи сүрэҕин иһинэн киирбэт.
             Иван Степанов араамка иһигэр хаайтаран тахсыбат. Дан тыл,
        доҕоор, киэргэл тыллаах буолар. Ону ылан кэбистэххэ, бэргэһэтэ
        суох кыһыҥҥы ыалга кетен түспүтүҥ курдук. Эргис оҥордоххо по­
        эма буолуохтаах диэбитэ. Син мин чочуйа сатаабытым диэбитим.
                                                          Ф.5, он. 10, ед.хр.20.
                   Материалы фольклорной экспедиции по Усть-Алданскому району,
                                  собранные Н. В. Емельяновым,Н. М. Ермолаевым.
                                            Институт ИЯЛИ, Якутск, 1962 с.

        50
   1   2