Page 1 - Роман Алексеев туьунан кылгас ахтыы
P. 1
РОМАН АЛЕКСЕЕВ ТУҺУНАН КЫЛГАС АХТЫЫ
Мин оройуоннааҕы культура дьиэтигэр директорынан улэлиир
кэмнэрбэр Роман Петрович Алексеев куруһуоктарга сылдьан кон-
цертарга кыттара. Соҕотоҕун чабырҕахтыыр, туойар этэ. Симик гы-
нан баран нарын куоластааҕа. Дьон үчүгэйдик истэрэ. Оһуокайдыыр
буолара. 1947 сыллаахха оройуоннааҕы культура дьиэтин сценатыгар
«Ньургун Боотур» олоҥхо туруорулларыгар кини кыттыбатаҕа. Оч-
чолорго кини Бороҕоҥҥо промкомбинакка үлэлиирэ. Миэхэ олоҥхо
суруйтараары этэ сылдьыбыта. Кэлин санаатахпына, «Алаатыыр
Ала Туйгунун» суруйтараары гыммыта буолуо. Солом суох буолан
ылымматаҕым.
Культура отделыгар үлэлии сылдьан, директордыыр кэм-
миттэн саҕалаан биир характернай балаһыанньаны бэлиэтиэхпин
баҕарабын. Урукку умайбыт кулууп сценатын мин туттарбытым. Ка-
питальнай өрөмүөҥҥэ диэн харчы ылан баран бэйэм билиибинэн,
Протодьяконов Семен Иванович уонна Роман Петрович Алексеев
диэн промкомбинат маастарын кытта дуогабар оҥостон баран, ки-
нилэр биригээдэ тэринэннэр, промкомбинакка киирбит бэрэбинэ-
нэн, кинилэр мастарынан, кинилэр матырыйаалларынан харчытын
төлөөн салҕаттарбытым.
Ол иннинэ Дьокуускайтан мунньахха кэллэхтэринэ биһигини
кириитикэлииллэр: «Уус Алдан кулуубугар биир да театр кыайан
тахсыбат. Сценалара быыкаайык, саалалара быыкаайык, ханнык
да пьесаны, олоҥхону туруорар кыахпыт суох», — диэн, бары ак-
каастаан, биир да театр тахсыбат этэ. Оччотооҕуга райсовет пред-
седателэ Готовцев Василий Прокопьевич. Сааскыттан сайыны
быһа үлэлээтибит. Сцена буолуохтаах салҕанар өттүгэр эбии ту-
туу оҥордубут. Онтон ис истиэнэ өттүгэр сценаны оҥоччу быһыы
буолуохтаах. Эркини илиинэн эрбээн (оччотооҕуга «Дружба» эрбии
кэлиэ дуо) аарка таһаарыллыахтаах. Ону эрбээн таһаарыы сүрдээх
эппиэттээх үлэ этэ.
—Павел Михайлович дьиэни сууллаттарара буолуо. Сууттаныа-
ҕа, — диэн Василий Прокопьевич кыыһырар.
— Харчыны ыла-ыла онно-манна көҥүлэ суох тугтаҕын, —
диир.
Биһиги үһүөн сүбэлэһэн баран, эбиэт бириэмэтигэр, ким да
суоҕар саҕалаатыбыт. Алексеев, Протодьяконов иккиэйэҕин иһир-
дьэ бааллар. Мин сцена түннүгүн аһан баран олоробун, дьиэ
суулуннаҕына таһырдьа тыыннаах ыстанарга диэн. Кинилэр да
түннүгү астылар, туох-ханнык буолла да таһырдьа ыстаныах-
пыт диэн. Ол иннинэ үөһээ өттүн барытын миэтэрэ аҥардыылаах
буолтанан хос устатын тухары эркиҥҥэ икки хос тартаран кэбис-
питтэрэ. Протодьяконов уус киһи этэ: «Олох куттанымаҥ, сууллубат.
Эркинин быһарга тыаһыаҕа эрэ», — диэбитэ. Эбиэт саҕана эрбэт-
тибит. Үөһээ өттүн бүтэрдилэр. Төлө ыстаныытытын эбиэт кэми-
гэр эрбээһин буолла. Кими да киллэрбэттэр. Иккиэйэҕин бэйэлэрэ
илиилэринэн эрбээн аллараа түһэрэн үс мае хаалтын кэннэ эрким-
63
