Page 2 - Роман Алексеев туьунан кылгас ахтыы

мит тыаһаан өрө бачыгырыы түстэ. Мин түннүккэ олорон нөҥүө
түспүппүн өйдөөбөккө да хааллым. Дьонум тахсыбаттар, эрбии оло-
роллор. Онон тыаһаан бүппүтэ.
Сцена оноһуллуоҕуттан Дьокуускай театрдара тахсан көрдөрөр
буолбуттара. Ити кэпсээбитим курдук, Роман Петрович кулууп
кэҥэтиллиитигэр үлэлэһэн турар.

Петров Павел Михайлович, улэ, тыыл ветерана,
1940-с сылларга оройуоннааҕы культура дьиэтин директора,
культура отделын сэбиэдиссэйэ.
Ахтыыны ылла Сивцева М.З.,
Дьокуускай, 2004 с.

ОЛОҤХОҺУТ БУРНАШЕВ Н.П. ТУҺУНАН
Бороҕон улууһун киһитэ Бурнашев Петр Макарович (Олой-
бон) төрөппүт аҕата Макар Бурнашев улахан олоҥхоһут киһи эбитэ
үһү. Бүөтүр Бурнашев булчут идэлээҕэ. Кини уол оҕоломмута, ону
Өлөксөөндүр диэн ааттаабыттар. Сотору соҕус буолан баран, иккис
уол төрөөбүт — олоҥхоһут Ньукулай. Үһүс уоллара Бүөтүр.
Ньукулай чороччу улаатан иһэн, уон түөрт сааһыгар, куоракка
киирбит, уу баһааччы буолбут. Ол сылдьан ыллыыр эбит. Дьиэлээх
киһи уруу тэрийбит. Онно туран Нам улууһуттан улахан олоҥхоһут
киһи баара үһү. Нам олоҥхоһутун улахан дьоҥҥо олоҥхолоппуттар,
дьиэ иккис аҥарыгар чаҕардарга Ньукулай уолу ыллаппыттар. Баар-
даах баара батарыа дуо, ыллаан барбыт. Биир, икки ырыаны ыллаа-
быт, үһүс ырыатын ыллаабытыгар эр дьоннор сыыйа кинини тула-
лаабыттар. Бэйэлэрин өттүлэригэр ыҥыраннар, көрдөһөннөр өссө
ыллаппыттар.
Өйүүнүгэр туран биир хаһыапка сыарҕалаах (киһи) Ньуку­
лай уолу ыҥыран илдьэн анаан олоҥхолоппут. Дьэ, онон устунан
олоҥхоһут буолан барбыт. Кини ордук аһыллан, уутугар-хаарыгар
киирэн олоҥхолоотоҕуна, таас иһит лыҥкыныар диэри дуораан-
наахтык ыллыыра үһү.
Мин олоҥхоһут Ньукулай Бурнашеву отутус сыллардаахха са-
йылыкка көрсөн истэн турабын. Кини хас да олоҥхолордооҕо: «Орто
дойду тулааһына буолбут Туоллар баай», «Бэриэт Бэргэн», «Үөлэн
Хардааччы». Кини олоҥхолууругар сир-дойду хайдах үөскээбитин
субу корен олорор курдук тэнитэн хоһуйара. Ырыатын эмиэ кыайа
тутар буолан наар ырыатын истэ сатааччылар эмиэ баар буолаллара.
Кини бииргэ төрөөбүт балта Кэтириис этэ. Ол төрөппүт кыыһа
Борисова Пелагея Павловна Булуҥ оройуонугар (олордоҕуна) 1937—
38 сыллардаахха киирэн балыктаабыта. Ньукулай оҕонньор ол онно
кумах балыксыттарыгар олоҥхолоон биһирэтэрэ үһү.
Өрдөөҕүтэ Ньукулай куораттаан иһэн Барашковтар диэн ыал-
ларга чэйдии олорон, кинини үтүө олоҥхоһут быһыытынан хай-
ҕаабыттарын истибит. Кинини онно хоннорон олоҥхолоппуттар.
Куораттан төннөн иһэн, хонон-өрөөн ааһарыгар көрдөспүттэр. Ону
64