Page 151 - Дойдум Уус-алдан Хорото

И.Я.Неустроев 1943 сыллаахха бэс ыйын 3 күнүгэр Кыһыл Армия кэккэтигэр ыҥырыллан
барбыта. Улан-Баторга 293-с мотострелковай полка иккис стрелковай ротатыгар пулеметчигынан
сулууспалаабыта. Иван Яковлевич империалистическай Японияны үлтүрүтүүгэ кыттыбыта. Ис
Монголия уута суох кумах куйаардарынан сатыылаан, Улахан Хинган сис хайатын туораан, ба-
дарааннаах киэҥ маардары кэһэн Япония Квантунскай Армиятын биир саамай бөҕөргөтүүлээх
куоратыгар Хайларга тиийэн бу куораты сэриилээн ылыыга кыттыбыта.
Кини Советскай Армия кэккэтигэр 1946 сыллаахха бэс ыйыгар демобилизацияламмыта. Ар-
мияттан кэлээт, «Кыһыл Танда» колхозка үлэлээбитинэн барбыта. 1947-1951 сыллардаахха бу
колхоз бырабылыанньатын председателинэн үлэлээбитэ. Түөрт бытархай колхозтар холбоһоннор,
1951 сыллаахха бөдөҥсүйбүт Партизан Егоров аатынан колхозка кубулуйбуттара. Иван Яковлевич
бу колхозка үүт-табаарынай ферматын сэбиэдиссэйинэн комплекснай-производственнай биригээдэ
биригэдьииринэн 1960 сыллаахха диэри үлэлээбитэ. Бу колхоз бөҕөргөөһүнүгэр кини бэйэтин
дьоҕурун, күүһүн толору биэрэн үлэлээбитэ, өрүү инники күөҥҥэ сылдьыбыта диирбит саамай
сөп.
1968 сыллаахха диэри сэттэ сыл устата Иван Яковлевич Чараҥ бөһүөлэгин 7 №-дээх маҕа-
һыыныгар сэбиэдиссэйинэн уонна атыылааччынан үлэлээбитэ. Кини 1976 сыллаахха пенсияҕа
тахсан үлэттэн тохтуор диэри тэрилтэлэргэ харабылынан, баһаарынай чааска байыаһынан, кочега-
рынан үлэлээбитэ. Кини үлэтин быыһыгар Чараҥ биригээдэтигэр сыллата моой оттоон, сыарҕа
онорон атын бытархай үлэлэргэ мэлдьи кыттан күүс-көмө буолбута.
Иван Яковлевич Неустроев общественнай үлэттэн хаһан даҕаны туора турбатаҕа. Кини Байа-
ҕантай уонна Хоро нэһилиэктэригэр депутатынан элбэхтөгүл быыбарданан үлэлээбитэ. 1955 сыл-
лаахха үлэҕэ үрдүк ситиһиилэрин иһин Норуот хаһаайыстыбатын Бүтүн Союзтааҕы быыстапка-
тыгар кыттар чиэстэммитэ. 1957 сыллаахтан партия чилиэнэ И.Я.Неустроев уһун сыллаах эҥкилэ
суох үлэтэ Саха АССР Верховнай Советын Президиумун Бочуотунай Грамотатынан, эргиэн үлэ-
һиттэрин идэлээх союһун обкомун, Уус-Алдан оройуонун райпотребсоюһун уо.д.а. үрдүкү турар
тэрилтэлэр Бочуотунай Г рамоталарынан элбэх төгүл бэлиэтэммитэ. Киниэхэ Г ерой Егоров аатынан
колхоз бочуоттаах колхозтааҕын аата иҥэриллибитэ. Сэрии сылларыгар көрдөрбүт хорсун быһыы-
та Аҕа дойду сэриитин иккис степеннээх орденынан, «Японияны Кыайыы иһин» медалынан бэ-
лиэтэммитэ.

Интернационалист-буойун

Хоро нэһилиэгин ыччата Илья Гуляев түөрт уон сыллааҕыта Корея сэриитигэр кыттар дьыл-
ҕаламмыта. «Кыһыл маяк» колхоз сылгы табаарынай ферматын 22 сааһыгар барбыт эдэр үлэһитэ
Илья Г уляев 1951 сыллаахха Советскай Армия кэккэтигэр байыаннай сулууспаҕа ыҥырыллыбыта.
Сулууспатын Хабаровскай куорат таһыгар сибээс чааһыгар саҕалаабыта. Онтон кинини зенитнэй
чааска көһөрбүттэрэ, онон аны артиллерист буолбута. Онтон салгыы 1951 сыл от ыйыттан 1953
сыл тохсунньутугар диэри Кытай Народнай Республикатын сиригэр-уотугар 31906 №-дээх воинскай
чааска 85 мм зенитнэй орудие расчетугар сулууспалаабыта.
1950 сыллаахха АХШ интервеннэрин өйөөһүннэринэн, Соҕуруу Корея сэриитимсийбит эргим-
тэлэрэ Корея Народнай Демократическай Республикатын утары сэриини төлө тарпыттара. Кытай
Народнай Республиката Хотугу Корея диэки буолбута. 1953 сыл тохсунньуттан Илья Гуляев
сулууспалыыр 92853 №-дээх воинскай чааһа Кытай Народнай Армиятын састаабыгар киирсэн,
Хотугу Кореяны көмүскээһиҥҥэ кыттыыны ылбыта. Саха Илья Гуляев 85 мм зенитнэй орудие
расчетугар сылдьан, Хотугу Корея үгүс объектарын салгынтан саба түһүүлэртэн көмүскэспитэ.
Олор истэригэр Доньдун (Андунь) куорат аттыгар Ялуцзянь өрүскэ турар гидростанцияны өстөөх
салгынтан саба түһүүтүттэн уһун кэм устата көмүскээбиттэрэ. Интернациональнай чиэһин чиэс-
тээхтик толорон 1954 сыл бүтэһигэр Илья Иванович Гуляев демобилизацияланан, дойдутугар
эргиллэн кэлбитэ.
Армияттан кэлээт, Хоро нэһилиэгин Маленков аатынан колхоһугар эмиэ сылгыһытынан үлэлээн
барбыта. 1984 сыллаахха пенсияҕа тахсан да баран, 8 сыл устата, ол эбэтэр былырыынҥаанҥа