Page 246 - Дойдум Уус-алдан Хорото

В.Н. Мигалкиҥҥа туттарбыта. Тэрийэр отделга кини 1955 сылга диэри үлэлээбитэ. Ити үлэлиир
сылларыгар оройуоннааҕы маҥнайгы сүһүөх комсомольскай тэрилтэлэр нэһилиэнньэ ортотугар
балачча авторитеттаммыттара, үлэҕэ, үөрэххэ үчүгэй көрдөрүүлэр ситиһиллибиттэрэ.
1958 сыллаахха Хоро нэһилиэгин «Маленков» аатынан колхуоһа бөдөҥсүйэн «Партизан Егоров»
аатынан колхуос буолбута. Бу колхуос иһигэр Түүлээх, Бээрийэ, Байаҕантай уонна Хоро нэһилиэк-
тэрэ киирэллэрэ. Бу сүрдээх киэн территориялаах, куһаҕан суоллаах-иистээх колхуозка Яков
Яковлевич 1961-1963 сылларга партком секретарынан ССКП Уус-Алданнааҕы Бюротун уураа-
ҕынан иккис төгүлүн ананан тахсыбыта.
Яков Яковлевич Хоро үһүс төгүлүн 1975-1981 сылларга Хоро нэһилиэгин Сэбиэтин исполкомун
председателинэн партия райкомун бюротун рекомендациятынан үлэлээбитэ. Оччолорго Хоро нэһи-
лиэгин 25 уокуругутган 25 депутат талыллан үлэлээбиттэрэ. Нэһилиэк исполкомун быһаарыытынан
кини үлэлиир кэмигэр маннык бастайааннай комиссиялар тэриллэн үлэлээбиттэрэ:
■ Ыччат ортотугар үлэҕэ;
■ Тыа хаһаайыстыбатыгар үлэҕэ;
■ Социалистическай сокуоннас комиссията;
• Былааннааһын, бюджетнай комиссия;
• Мандатнай комиссия.
Итини таһынан народнай хонтуруол комиссията, табаарыстыы суут, кырдьаҕастар советтара,
ДНД, дьахталлар комитеттара талыллан үлэлээбиттэрэ. Совет депутаттара тустаах үлэлэригэр
үчүгэй көрдөрүүнү ситиһэллэрэ ыйыллыбыт. Ол курдук, ыччат сүөһүнү төлөһүтүүгэ Курилкин
Д.Д. звенота кыстык устатыгар бастыҥ көрдөрүүлэммитин туһунан суруллар. Депутат ыанньык-
сыттар О.И.Крылова, Е.И.Ховрова үүтү ыаһын графигын аһары толорон иһэллэрин, депутат П.П.
Алексеев управляющайдаах Майаҕас отделениета сыл ахсын сири нүөлсүтүүнү утумнаахтык
ыытан, от үрдүк үүнүүтүн ыларын чорботон бэлиэтээбит. Онтон Чараҥ биригээдэтигэр 12 киһилээх
депутатскай группаны оҕо саадын сэбиэдиссэйэ К.Г.Бурцева салайан үлэлэтэр диэн суруйар. Сал-
гыы: «Группа биригээдэ олоҕор активнайдык кыттар, үлэтигэр көмөлөһөр. Манна «Бэйэҥ сулускун
умат» диэн девизтээх социалистическай куоталаһыы ыанньыксыттар ортолоругар ыытыллар. Бас-
тыҥ ыанньыксыт Февронья Бурцева быйылгы биэс ыйга бастаан биэс сулустанна. Фермаларга
күн ахсын биирдии ыанньыксыт төһө үүтү ыан иһэрэ экраҥҥа көрдөрүллэр».
Яков Яковлевич Хоро нэһилиэгэр үлэлиир сылларыгар Чараҥҥа333 миэстэлээх кулууп саалын
эргэ кулуупка салҕаан тутууга акылаатын бэйэтэ былааннаан мээрэйдээн түһэриспитэ, олорор
ыскамыайкалары Дьокуускайга сакаастаан, харчытын төлөөн, миэстэтигэр аҕалбыта. Ол иһин
Чаран олохтоохторо махтанан, кини Волгоградскай уобаласка Балашово куоракка олордоҕуна,
кулууп аһыллыытын бырааһынньыгар ыҥырбыттара.
1978-1979 сыллааҕы кыстыгы тэрийиигэ бастыҥ үлэлээх колсоветтар ахсааннарыгар Хоро нэ-
һилиэгин Советын исполкомун председателэ Я.Я.Егоров уонна кини секретара Стручкова Н.А.
киирбиттэрэ, уонна Саха АССР Министрдэрин Советын уонна Профсоюзтар уобаластааҕы коми-
теттарын Бочуотунай Грамотатынан наҕараадаламмыттара.
Сүөһүгэ эбии аһылыгы бэлэмнээһиҥнэ биир улахан үлэнэн АВМ агрегата тутуллан монтаж-
танан үлэҕэ киирбитэ буолар. Бу агрегат көмөтүнэн бурдук, талах мээккэлэрэ оҥоһуллан сүөһү
иитиитин фермаларыгар тиэрдиллэрэ. Чараҥ, Майаҕас биригээдэлэригэр эргэ хотоннору ремон-
нааһыны, Чараҥҥа 2 этээстээх учууталлар олорор дьиэлэрин туттарыы, «Бүөр Күөлгэ» сайылыгы
онорууну, Майаҕаска кулууп, оскуола, детсад, Чараҥҥа оскуола, детсад капитальнай ремоннарын
ыыттарбыта. Итини сэргэ олорор дьиэлэри тутуу, бөһүөлэктэри тупсарыы үлэлэрэ ыытыллыбыт-
тара. Холобур, 1979-1980 сс. Майаҕаска 7 ыал олорор дьиэтэ саҥалыы кырыыһаламмыттара,
уонтан тахса ыал саҥа дьиэҕэ көһөн киирбитэ. Отделение салалтата сири оҥорууга, сайылык-
тары саҥардыыга, бааһыналары күрүөлээһиҥҥэ элбэх үлэни ыыппыта.
Яков Яковлевиһы 1981 сыллаахха 55 сааһыгар Хоро нэһилиэгин олохтоохторо, оройуон са-
лалтата, оройуон Советын исполкомун председателэ В.В.Ру.мянцев кыттыылаах махтанан, чиэс-
тээн, үрдүк өрө көтөҕүллүүлээхтик бочуоттаах сынньаланҥа атаарбыттара. 1998 сыллаахха Яков
Яковлевич Егоровка Уус-Алдан улууһун Бочуоттаах Гражданинын аатын иҥэрбиттэрэ.

Тохсуннъу 26 күнэ, 2001 сыл.