Page 35 - Дойдум Уус-алдан Хорото

Алексей дьиэтэ иннигэр ампаардаах нуучча дьиэтэ. Өлөксөй оҕоломмотох. Эрдэ өлбүт. Семен
оҕонньор бастакы кэргэнэ, Чараҥ Кычыкаа аҕаһа Наталья диэн эбит. Киниттэн Михаил диэн >|л
төрөөбүт. Наталья өлбүтүн кэннэ 1-кы Өлтөхтөн Колодезникова Дария диэн дьахтары кэргэн
ылан, уонна оҕоломмута. Онтон аҕыһа эрдэ өлбүттэрэ. Уола Ганя куоракка үөрэнэ сылдьан өлбүтэ.
Кыыһа Анна «Куотука» бастакы комсомолецтарыттан биирдэстэрэ. Оҕуруот аһын үүннэриинэн
дьарыктаммыта. Күйгээн дьиэтигэр дьааһыла тэрийэн үлэлэппитэ. Кэлин Бэрт-Ууһун киһитигэр
Гоголев Иннокентий Васильевич диэн киһиэхэ кэргэн тахсыбыта. Эрдэ өлбүтэ.
Даарыйа эмээхсин урукку кэргэниттэн Бараскыабыйа диэн кыыстааҕа. Кэлин ол кыыс төбө-
түнэн ыалдьан өлбүт буолуохтаах. Даарыйа эмээхсин тугунан эрэ аймахтарын: Асаам, Уйбаан,
Арамаан Неустроевтар диэн бырааттыы, бииргэ төрөөбүт уолаттары бииргэ илдьэ олорбута.
Онтон аччыгыйдарын Даарыйа аннынан суруттаран Крылов Роман Кузьмиһы - Чоҥойбоҕу оҕо
гыммыта. Асаам уонна Уйбаан кэргэннэммэтэхтэрэ. Роман Кузьмич «Куотука» колхоз бастакы
стахановеһа. Кэлин, Элэкис араарбыт кэргэнин ойох ылан, Балаайаттан биир кыыс, икки уол
оҕоломмута. Роман Майаҕаска Өлөҥ Атахха дьиэ туттан онно өлбүтэ. Мыйаах төрүт олохтооҕо,
Семен Крылов быраатынаан Өлөксөйдүүн эстэн тураллар, билигин кинилэртэн ким да суох.
Крылов Иннокентий Дмитриевич, Крылов Степан Дмитриевич - Дьэллэ халдьаайы-
тыгар иккиэн хотон салҕааһыннаах, үчүгэй оҥоһуулаах саха балаҕаннарын туттубуттара. Онтон
илиҥҥитэ Лөгүөнтэй оҕонньор киэнэ, арҕаата Ыстапаан оҕонньор киэнэ этэ. Итини таһынан, Дьэллэ
ортотугар нуучча дьиэтин туттубуттара. Кэлин бөһүөлэктээһиҥҥэ Куотукаҕа киллэрэн тутту-
буттара. Онтон «Куотука» «Кыһыл агроному» кытта холбоспутугар, Афанасий Дмитриевич Кры-
лов МТС-ка киллэрэн туппута. Онно Крылова Аграфена олорбута. Итини таһынан Майаҕаска
Акимнаах олорор дьиэлэрин илин өттүгэр кырдалга сайылык нуучча дьиэлээх этилэр. Лөгүөнтэй
оҕонньор эдэр сылдьан Маайа диэн кыра кыыстаах, огдообо хаалбыт Ааныка эмээхсини, оччо-
тооҕуга адьас эдэр дьахтары кэргэн ылбыт. Киниттэн икки уол, биир кыыс оҕоломмута.
Ааныка эмээхсин илдьэ кэлбит кыыһа Маайа Туора Сыһыыга олохтоох Слепцов Роман Васи-
льевичка кэргэн тахсан бэйэлэриттэн биир Слепцов Михаил Романович диэн уолламмыттара.
Итиэннэ Арамаан дьонуттан бииргэ төрөөбүт быраатын ылан ииппитэ, билигин Василий Романович
Слепцов Майаҕаска хас да оҕолонон олорор. Лөгүөнтэй оҕонньор улахан уола Дмитрий бастакы
кэргэниттэн уоллаах кыыс оҕоломмута - Афоня уонна Аграфена диэн. Онтон кэргэнэ өлбүтүн
кэннэ Илин үрэхтэн Марыына Семеновнаны кэргэн ылан үс уолламмыта: Коммунар, Кеша, Николай.
Кэргэнэ өлбүтүн кэннэ, Марыына Миитэрэй диэн уолламмыта. Онтон хас да оҕолордоох. Миитэ-
рэйтэн балыс Чуучаабыт Ньукулай диэн уол баара. Ол уол «Куотука» комсомолецтарыттан биир
бастакы комсомолец этэ. 1934-35 сс. Лампаайыга Миччээлэри кытта дьукаах олорон эмискэ ыал-
дьан өлбүтэ. Итинтэн балыс Балбаача диэн сааһын тухары МТС-ка комбайнерынан, трактори-
һынан о.д.а. араас үлэлэргэ үлэлээбитэ. Кэргэннэммэтэҕэ, оҕоломмотоҕо.
Ыстапаан оҕонньор Татьяна эмээхсинниин 20-тэн тахса оҕоломмуттар. Онтон икки уол, үс
кыыс хаалбыта. Кинилэртэн улаханнара Ааныстыыр диэн кыыс Бэрт-Ууһугар Ширяев Николай
- Атаскаан Ньукулай диэн киһиэхэ кэргэн баран өлбүтэ. Онтон балыс Сэмэнкэ Крылов I «Куотука»
колхоз комсомольскай тэрилтэтин бастакы секретара. 1934 с. «Куотука» колхоз комсомолецтарын
үчүгэй үлэлэрин туһунан анаан-минээн суруйбутгара. Ол кэмҥэ ити кинигэҕэ Бэрт-Ууһунааҕы
«Чирэпчи» колхоз комсомольскай тэрилтэтэ эмиэ хайҕаммыта. Ити икки комсомольскай тэрилтэлэр
секретардарын: Крылов Семен Г аврильевич I уонна Охлопков Афанасий мэтириэттэрин ол кинигэҕэ
таһаарбыттара. Онтон сотору, I Крылов Семен Степанович куоракка быстах курска ыытан үө-
рэттэрбиттэрэ уонна оройуонҥа үлэҕэ ылбыттара. Сотору соҕотуопка оройуоннааҕы боломуочу-
найа буолбута. Онтон үлэлии олорон ыалдьан, соҕуруу курорка эмтэнэ барбыта. Ол баран истэҕинэ
сэрии буолан Уралтан төннүбүтэ уонна дойдутугар кэлэн өлбүтэ. Кини үлэлии сылдьан Свешникова
Екатерина диэн дьахтары кэргэн ылбыта, онтон оҕоломмотохторо.
Крылов Семен Степанович II - Нээтэ, «Куотука» колхоз биир активнай ыччата, пионердар
баһаатайдара, үчүгэй физкультурник, хайыһардьыт этэ. Перекладинаҕа, козелга, быаҕа, брусьеҕа
о.д.а. физкультурнай көрүҥнэргэ уонна инвентардарга наһаауустук нүөмэрдэри оҥортуура, аһара
сымса киһи этэ. Оскуолаҕа өрүү пионер баһаатай буолара. Эрдэ комсомолга киирбитэ. Кини