Page 68 - Дойдум Уус-алдан Хорото

Моххо уустара
Ховров Иннокентий Романович- Сойбороц уус. Төрөөбүт сирэ Аракас алаас Моххоттон
тахсар үрэх. Моххо үрэҕэр Ойуун күөлэ диэн сиргэ олорон уһаммыт. Уһаанынан 1910 сыллаахтан
дьарыктаммыт. Кини болгуо тимири уһааран бинтиэпкэ-сааны онороро. Тимиртэн араас эгэлгэ
оҥоһуктары уһааран уулларан таһаарара.
Ховров Никон Петрович- Моххо үрэҕэр төрөөбүт киһи. Кини Хоро нэһилиэгэр бастаан Балҕа
алааска, кэлин Майаҕаска олохсуйбута. 1917 сыллаахтан уһанар буолбут. Никон «Кыһыл агроно.м»
колхозка киминэн да солбуллубат уус этэ. Кини сатаабатаҕа, кыайбатаҕа диэн суоҕа.
Ховров Ксенофонт Евсеевич- сэрии иннинэ мастан тугу баҕарар оҥорор дэгиттэр уус этэ.

Хоро аҕатын уустара
Кычкин Василий Васильевич- Хойтох. 1881 сыллаахха төрөөбүт. Майаҕаска Кыһыл сыыр
анныгар олорбут. 1915 сылтан тимир ууһа.
Ноговицын Алексей Филиппович- Мүһэй, өссө биир хос аата Махас диэн. Майаҕас төрүт
олохтооҕо. Тимиртэн, мастан тугу баҕарар сатыыр улахан уус.
Крылов Андрей Семенович- Куома Майаҕаска олорбута. 1910 сыллаахтан маһынан уһаммыт,
болуотунньук. «Кыһыл агроном» колхоз тутууга маастара 1936 сыллаахха Чаранна ыытыллыбыт
П.А.Ойуунускай кыттыылаах ыһыаҕын трибунатын кини маастардаан оҥотторбут.
Ноговицын Алексей Алексеевич- Саараабыт, Майаҕас киһитэ кэлин Мындаабаҕа олохсуй-
бута. МТС-ка тимир ууһунан уһуннук үлэлээн Үлэ Кыһыл Знамята орденынан наҕараадаламмыта.
Ховров Павел Абрамович- Мөттө Байбал, Хоро Чаҕадыматыгар олорбута, кэлин Майаҕаска
олохсуйбута. 1917 сылтан тимиргэ, маска дэгиттэр уус. Болуотунньук ааттааҕа.
Охюпков Иннокентий- Бөөчөрө уус, 2-с Байаҕантайтан төрүттээх. Кэлин Хороҕо Куотукаҕа
олохсуйбута. 1910 сыллаахтан уһаммыт. Көмүс тимир ууһун ааттааҕа. Оннооҕор таҥара мэти-
риэтин оҥорор улахан уус киһи.
Крылов Прокопий Александрович- Махас ииппит уола. Куотукаҕа олорбута, «Куотука»
колхоз бастыҥ ууһа. Көмүстэн, тимиртэн олус намчы оҥоһуктары мандардаан оҥороро, тыа
хаһаайыстыбатын холбонор массыыналарыгар саппаас чаастары сатабыллаахтык чочуйара.
Жирков Николай Онупреевич- Чомоччу, Майаҕаска төрөөбүт киһи. Кэргэннэнэн баран өлүөр
диэри Чараҥҥа олорбута, ааттаах мас ууһа, столяр, болуотунньук.
Крылов Петр Федотович- Нуучча Бүотүр Араҥастаах алаас халдьаайы сыырын анныгар
олорбута. Мас ууһа. Элбэх дьиэни туппута.

Торбос аҕатын ууһун уустара
Крылов НиколайИванович-Халлаан. Хатын Сыһыы олохтооҕо. Бастакы ревкомовец, кыһыл
партизан, нэһилиэк советын председателэ. Тимир, мас ууһа. Чаранна турбут нэһилиэк хонтуоратын,
кэлин райсоюз хонтуоратын уонна Бороҕоҥҥо умайбыт оройуоннааҕы культура дьиэтин, улуус
билиҥҥи пааркатын бырайыактаан маастардаан туттарбыта.
Протодьяконов Михаил Иванович- Хатыҥ Сыһыы олохтооҕо. 1917 сыллаахтан уһанар идэ-
лэммит.
Протодьяконов Семен Иванович- Хатын Сыһыы олохтооҕо, кэлин Бороҕоҥно олохсуйбута,
болуотунньук, столяр, оройуоннааҕы промкомбинакка маастардаабыта.
Протодьяконов Гаврил Иванович- Хатыҥ Сыһыы олохтооҕо, кэлин Бороҕоҥҥо олохсуйбута.
Тимир, мас ууһа, МТС-ка слесарынан, токарынан, тракторнай биригээдэ биригэдьииринэн үлэлээ-
битэ. «Бочуот знага» орденынан наҕараадаламмыта.
Крылов Роман Андреевич- Тыллаах Арамаан, Хатын Сыһыы олохтооҕо, кэлин Мындаабаҕа
олохсуйбута. Тракторист, тимиртэн уһанар. Тракторнай биригээдэни салайбыта, улуус бочуоттаах
олохтооҕо, ССРС тыатын хаһаайыстыбатын туйгуна, үлэ, тыыл ветерана.
Протодьяконов Николай Назарович- Хатыҥ Сыһыы олохтооҕо, тимир, мас ууһа.
Петров Гаврил- Элэгээдэ уола Сыандара дииллэрэ. Хатыҥ сыһыы олохтооҕо. Мас дэгиттэр
ууһа.
Бурнашев Ксенофонт- Хатыҥ Сыһыы киһитэ. Сэрии кэнниттэн уһаммыт, олус мындыр
талааннаах мас ууһа, столяр. Чараҥ кулуубугар мастан сиэдэрэйдик ССРС Гербэлээх трибунаны
оҥорбутун олохтоохтор уонна ыалдьыттар бары кэрэхсии көрөллөр.