Page 100 - Дьоҥҥо кэрэни түстүүрэ

лэбит. Оҕолорбут кыра саастарыттан сыанаҕа тахсан истэхтэрин аайы ордук чугасыһан,
алтыһан испиппит.
Анна Дмитриевна биһиги оҕолорбут талааннаахтарын көрөн ис дууһатыттан
кыһанан туран сүбэлиирэ-амалыыра. Оҕолор маастарыстыбалара үүнэригэр-сайдары-
гар ис сүрэҕиттэн туруулаһан үлэлиирэ.
2003 сыллаахха “Хотугу сулус” зональнай көрүүтүгэр Аммаҕа баран оҕолорбут
үһүөн лауреат үрдүк аатын ылан кэлбиттэригэр олус да үөрбүтэ. Ол сайын Оҕо
көмүскэлин күнүгэр Анна Дмитриевна бэйэтин көҕүлээһининэн 5 саастаах кырачаан
уолбут Владик сольнай концердын иилээн-саҕалаан нэһилиэккэ туруорбута. Онтон
ыла кини алҕаабыт алгыһын кэрэһилиир тылларын кынат оҥостон оҕолорбут элбэх
улуус, республика араас конкурстарын лауреаттара буолуталаабыттара.
Аҕабыт мелодист Владислав Михайлович айар үлэтигэр, дьоҕуругар куруук Анна
Дмитриевна, Иван Васильевич күүс-көмө, сүбэ-ама буолаллара. Кинилэр иккиэн сце-
наҕа таҕыстахтарына ханнык баҕарар концерды өрө көтөҕүллүүлээхтик ыытан
көрөөччүлэр куттарын тутуохтарын туталлара.
1997 сыллаахха “Өнөр күннэрэ” Дьокуускай куоракка Кулаковскай дыбарыаһыгар
ыытыллыбыт кэмигэр нэһилиэк концерт туруорбута. Онно режиссёр конферансье Ан­
на Дмитриевнаттан сценарийын көрдөөн улаханнык соһутан турар. Кини биһиги би-
лэрбитинэн ханнык да концертары кумааҕыта, сценарийа суох тутатына өйүгэр
сааһылаан, хас биирдии нүөмэр аайы хоһоон оҥорон этэр тыллара дьону барытын
сөхтөрөр этэ.
Анна Дмитриевнаны киһи быһыытынан элэккэй майгылаах, ыраас дууһалаах, кэ-
рэни-үтүөнү кэрэһилиир, айылҕаттан айдарыылаах конферансье быһыытынан билэ-
бит. Кини ис-иһиттэн иэйэн-куойан, этэн-тыынан киирэн бардаҕына ханнык баҕарар
киһи сүрэҕин долгутар уһулуччу талааннаах киһинэн ааҕабыт.
Биһиги дьиэ кэргэн эдьиийбит Анна Дмитриевна сүдү талааныгар сүгүрүйэн туран,
оҕолорбут искусство эйгэтигэр тахсалларыгар күүс-көмө буолбутугар эдьиийбитигэр
махталбыт мунура суох.
Надежда, Владислав Лукачевскайдар,
Өнөр, 2007 с.