Page 120 - Дьоҥҥо кэрэни түстүүрэ

<г ИДЭТИГЭР БЭРИНИИЛЭЭХ, ҮЛЭКИТ КЫЫС ЭТЭ

ь о ц ц о
1974 сыллаахха Өнөргө кулуупка директорынан үлэлии сылдьан билсибитим, оччо-
к э р э н и лорго кини ЯРКГТУ библиотечнай салаатын бүтэрэн кэлбитэ. Наһаа сытыы-хотуу,
түстүүрэ.. . күлбүт-үербүт кыысчаан этэ. Биһигини кытары агит-биригээдэҕэ барсан, бары тэ-
рээһиннэргэ кыттара, ис-иһигтэн иэйэн туран хоһоон ааҕара.
Ийэлээх аҕатын Маайалаах Миитэрээһи үчүгэйдик билэр дьонум. Икки тулаайах
дьон холбоһон, 6 оҕону төрөтөн, улаатыннаран, бэйэ-бэйэлэрин өйөнсөн, убаастаһан
олорбуттара. Маайа биһиэхэ интернакка поварынан үлэлээбитэ, олус түргэн туттуу-
лаах, минньигэс астаах, үлэһит ийэ этэ. Кэргэнэ Миитэрээс хоһуун үлэһит, мае ууһа
этэ. Маайатыгар көмөлөһөн, интернат оҕолорун аһатан, оһохторун оттон барара. Үгүс
элбэх саҥата суох үлэтин-хамнаһын бүтэрэн-оһорон кэбиспит буолара.
Бэйэм библиотекарь идэлээх буоламмын Анна Дмитриевнаны кытта уһун сылларга
бииргэ алтыһан үлэлээбиппит. Мунньахтарга, семинардарга куруук биир дойдулааҕым
буолан, үөрэ-көтө көрсөн кэпеэтэрбит. Идэтигэр олус бэриниилэх, айылҕаттан айда-
рыылаах талааннаах буолан, үлэтэ-хамнаһа куруук үрдүк тахсыылаах буолара, онон
биһиги коллегалара киэҥ туттуохпутун туттабыт, билигин кини суох буолтун итэҕэй-
бэт курдукпут, мэлдьитин күлэ-үөрэ киирэн кэлиэх курдук саныыбыт.
Үлэлээбит үлэтин отчуота олус аккуратнай, точнай буолара. Биэчэрдэри, концерта-
ры, литературнай биэчэрдэри уустаан-ураннаан ыытарын истэрим уонна дойдубар да
тиийэн, оскуола үбүлүөйүн ыыппытын көрөммүн, истэммин сөхпүтүм. Олох хааһах-
тан хостоон эрэр курдук саҥарара, эчи, хоһооннору билэрин, ыытыллар үрдүк таһым-
наах тэрээһиннэри биир кумааҕыта суох ыытарын билигин да өйбөр батарбаппын, он-
нук дьоһун талааннаах этэ.
Миигин көрүстэҕинэ куруук күлэн-үөрэн кэпеэтэрэ, дойдум сонунун кэпсиирэ, бу
санаатахха, төрөөбүт нэһилиэгин туһугар сүрэхтиин-быардыын ыалдьара, куруук ки-
нилэр үлэлэринэн-ситиһиилэринэн киэн тутта кэпсиирэ.
Өссө даҕаны элбэҕи, сырдыгы-кэрэни тарҕатара, айара хааллаҕа. Аня-Анна Дмитри­
евна туһунан өйдөбүл үйэ-саас тухары миигин кытары сылдьыа.
Ширяева Ф.,
Суотту с/ф библиотекара, 2007 с.
100