Page 28 - Дьоҥҥо кэрэни түстүүрэ
P. 28
Күндү ыалдьыттар.
Уоллаах кыыспыт
Үктэммит сирдэригэр
Үкэр күөх от үүннүн диэн
Уйгулаах инники олохторугар
Үтүө санаа аргыстаннын диэн
Уоллаах кыыс кэнниттэн
Үөмэр-чүөмэр үктэнэн
Сыбаайбалаах киэһэ
Дьоһун-мааны остуолугар
Бааралаһан киириэҕиҥ.
Баһаалыста киириҥ, күндү ыалдьыттар.
Кыһыл көмүс биһилэххитин
Алтан көмүс аалыыгытын
Аата суох тарбахтаргытыгар
Аргыый аҕай анньыталаан кэбиһиҥ.
Итии таптал уотугар
Ирэн-хорон олоруҥ,
Сылаас таптал уоҕугар
Сайдан-үүнэн иһиҥ.
Көмүс биһилэххит курдук
Күндү үтүө олохтонуҥ,
Кини көрүҥүн курдук
Төгүрүччү дьоллонуҥ.
Аймах-билэ дьонноргут,
Атастаргыт, доҕотторгут
Айхаллыыр кэмнэригэр
Алаһа дьиэни тэринээри
Аал уоккутун оттунуҥ.
