Page 88 - Дьоҥҥо кэрэни түстүүрэ

таларынан, дипломнарынан бэлиэтэммитэ. Саха Республикатын культуратын туйгуна
аатын саамай сөпкө ылыан ылбыта.
Бэйэтэ эйэҕэс-сайаҕас, куруук үөрэ-көтө сылдьар, билэр-билбэт киһитин кытта
уопсай тылы булар, аһаҕас санаалаах киһи этэ. Кини хомойбут, туохтан эмэ мунчаар-
быт кэмнээх да буоллаҕына, хаһан даҕаны онтукайын биллэрэ сатаабат буолара, бэйэ-
тин сүрэҕэр-быарыгар эрэ сөҥөрдөн сылдьар курдук этэ. Кини өрүү сонуну-кэрэни
кэпсии сылдьар үгэстээҕэ. Дьону-сэргэни хаһан даҕаны моҕө-саҥара, илин-кэлин түһэ
сылдьыбат майгылааҕа. Анна Дмитриевна наһаа аһыныгас, киһи кыһалҕатын, сана-
атын-оноотун тэҥҥэ ьшынар, бэрт уйан дууһалааҕа. Ийэ быһыытынан олус истиҥ,
иһирэх, сылаас-сымнаҕас, кэргэн быһыытынан бөҕө эрэллээх, олус кыһамньылаах,
тапталлаах киһи этэ. Биир ураты хаачыстыбатынан дьону хаһан да сэнээбэт буолара,
хайа да киһиэхэ биир тэҥник сыһыаннаһара, ханнык да балаһыанньаҕа сылдьар
киһини кини үтүө хаачыстыбатын, кини үчүгэйин эрэ булан этэрэ. Ол курдук кини
киһини сатаан сыаналыыра, киниэхэ үтүөнү эрэ баҕарара.
Анна Дмитриевна кулуупка буолар араас мероприятиелары баһылаан-көһүлээн
ыытара, биллэрээччи бэрдэ, ааҕааччы бастыҥа, сыбаайбалары ыытааччы туйгуна этэ.
Маны таһынан кини киһи талаанын таба таайан, дьону араас концердарга кыттарга
ыҥыран аҕалтыыра, сыыйа конкурстарга кыттар буолбуттра. Ол түмүгэр биирдиилээн
конкурстарга, нэһилиэк күрэхтэһиилэригэр өрүү кыайыылаах кэлэллэрэ, лауреаттар,
дипломаннар тахсыталаабыттара. Ол барыта Анна Дмитриевна үтүө дьулуурунан, ки­
ни кыһамньытынан тахсыбыттара. Ити түмүгэр, билигин Өнөр нэһилиэгэр мелодис-
тар, ырыаны бастыҥ толорооччулар ааттара элбээн иһэр, элбэх лауреаттар үүннүлэр,
нэһилиэккэ ансамбллар тэрилиннилэр. Бу барыта биһиги Анна Дмитриевнабыт дьону
көҕүлээһининэн, кэрэҕэ угуйуутунан ситиһиилэннэ дии саныыбын. Бу Өнөр нэһилиэгэ
ырыаҕа-тойукка туох баар ситиһии, бу Анна Дмитриевна саҕалаабыт бачыыма, кини
үтүөтэ-өҥөтө буолара саарбаҕа суох.
Мин Анна Дмитриевнаны кытта кэнники үлэбитинэн бииргэ сүбэлэһэн үлэлиир
былааннаах этибит... Өрүүтүн үөрэ-көтө көрсөр, кинигэ кыбыныылаах, кэпсээн аргыс-
таах, үтүө сүбэһиппит, ыкса ыалбыт, эҥкилэ суох кэрэ киһибит барахсан туһунан мин
өйдөбүлүм итинник.
Г)
О