Page 3 - СТРЕКАЛОВСКИЙ МИХАИЛ МИХАЙЛОВИЧ БИБЛИОГРАФИЯ

СТРЕКАЛОВСКАЙ МИХАИЛ МИХАЙЛОВИЧ

(04. 02. 1914 – 29. 06. 1989)

Уус Алдан оройуонугар, уруккута I Өспөх нэһилиэгэр төрөөбүтэ. Дүпсүн сэттэ
кылаастаах оскуолатыгар үөрэнэ сылдьан 1935 сыллаахха комсомолга киирбитэ. Үөрэҕин
бүтэрэн саҥа тэриллэн эрэр МТСка техсекретарынан, комсомольскай тэрилтэ
секретарынан, райЗАГС инспекторынан үлэлии сылдьан 1942 сыллаахха Советскай Армия
кэккэтигэр сулууспаҕа ыҥырыллыбыта. Армияҕа 1945 сыл алтынньытыгар диэри
сулууспалаабыта. Аҕа дойду Улуу сэриитин кыттыылааҕа. 1943 сыллаахха Курскай
Дуганы (тоҕой), Белорусскай фроҥҥа (1944), Нарев өрүһү босхолооһуҥҥа кыттыыны
ылбыта.

Бойобуой Кыһыл Знамя, Аҕа дойду сэриитин I степеннээх уордьаннарынан,
«Германияны кыайыы иһин», «Варшаваны босхолооһун иһин», «В. И. Ленин төрөөбүтэ
100 сыла туолуутун бэлиэтээн. Килбиэннээх үлэтин иһин», «Аҕа дойдуну көмүскүүр Улуу
сэрии 1941-1945 сс. килбиэннээх үлэтин иһин» мэтээллэринэн, В. И. Сталинтан Махтал
суругунан, Саха АССР Верховнай Советын Президиумун икки Бочуотунай
грамоталарынан наҕараадаламмыта.

Армияттан кэлэн баран 1946-1948 сылларга - Уус Алдан оройуонун үбүн
салаатыгар бухгалтерынан, инспекторынан, 1949 сыллаахха - оройуон Киин
сберкассатыгар сэбиэдиссэйинэн, 1959-1965 сылларга – колхоз Өнөрдөөҕү
отделениетыгар партийнай тэрилтэ секретарынан, 1965-1966 сылларга Өнөр сельсоветын
исполкомун председателинэн, 1969 сылга пенсияҕа тахсыар диэри ойуур
хаһаайыстыбатыгар леснигинэн үлэлээбитэ.

1996 сыллаахха М. М. Стрекаловскайга (өлбүтүн кэннэ) Россия Геройун аата
иҥэриллибитэ.

БИОБИБЛИОГРАФИЧЕСКАЙ ЫЙЫННЬЫК

1. Ольховаткаҕа : [ахтыы] / М. Стрекаловскай // Ленинскэй тэрийээччи. – 1983. – От
ыйын 5 к. – С. 3.
2. Олоҕум туһунан кылгастык : [ахтыы / суруйда П. Чуукаар] / М. М. Стрекаловскай
// Кыайбыттар – өлбөттөр (ахтыылар, очеркалар) / [бэчээккэ бэлэмнээтэ Н. Н.
Литвинцев]. – Бороҕон : «Мүрү саһарҕата», 1995. – С. 5-10, 50. – (Аҕа дойду Улуу
сэриитигэр Кыайыы 50 сыла). - «Өнөрдөр Аҕа дойду сэриитигэр». – Бороҕон,
2020. – С. 16-22 ; «Биһиги албан ааттаахтарбыт». – Бороҕон, 2014. – С. 16-22.
3. М. Стрекаловскай – Россия Геройа : [буойун ахтыытыгар олоҕурбут кэпсээн /
суруйда П. Чуукаар] // Забота-Арчы. – 1996. – Ыам ыйын 8, 16 к.
4. Герой аата умнуллубат : [М. М. Стрекаловскай ахтыытыттан / суруйда П. Чуукаар]
// Саха сирэ. - 2005. – Ыам ыйын 4 к. - С. 3.

1