Page 10 - Аржаков Степан Степан

Күндү Степан Степанович!
Табаарыспыт, доҕорбут Степан, Эйигин олоҕуҥ умнуллу-
бат түгэнинэн — 50 сааскынан — уонна дойдуҥ, дьонуҥ-
сэргэҥ туһугар общественнай, партийнай, государственнай
үлэҥ 30 сылынан итиитик-истиҥник эҕэрдэлиибит, уруй-
дуубут!
50 сыл. Степан, бүгүн Эн: " Бэлиэр дуо, биэс уон дуо?"
— диэн кэннигин хайыһан көрүмэ. Биэс уон сыл бу өссө да
эдэр, өссө да ахсым саас. Бу күнтэн киһиэхэ өй-санаа муу-
дараһа киирэр, түмүллэр, олох өссө дьулусханнаах, ай-
ымньылаах кэрдииһэ салҕанар.
Эйигин биһиги, Эн истиҥ табаарыстарыҥ, доҕотторуҥ,
Танда үрдүк көнө титиригин, Дьабыыл намчы ыраас ха-
тыҥын, Майа судургу ылбаҕай талаҕын, Булгунньахтаах
баараҕай баай бэһин курдук кэрэтик саныыбыт, таптыыбыт,
эн тула түмсэбит.
Күндү Степан Степанович, биһиги Эйигин кытта бииргэ
үлэлээбит, чугас олорбут, эн-мин дэһиспит, кытыйа-хамы-
йах бырахсыбыт эдэр сааспыт кэрэ сылларын умнубаппыт.
"Майа сайынын" ыллыы-ыллыы атаарбыт үтүө күннэрбитин,
дьикти киэһэлэрбитин мэлдьи өйдүү-саныы сылдьабыт.
Степан, үлэҕэ-хамнаска, көргө-нарга, баҕар, киҥир-
хаҥыр саҥарсыы баар да буоллаҕына, ол барыта үлэ, олох,
уопсай дьыала туһугар эрчим-уох быстах түгэннэринэн,
өссө умнуллубат, өссө истиҥ өйдөбүл эрэ быһыытынан
буолаллар.
Доҕор киһи диэн олус уустук, олус кэрэ.
Оо, киһи барахсан,
Олус да уустуккун
Уустук буолан кэрэҕин
Кэрэ буолан уустуккун.
Табаарыстаһыыбыт, доҕордоһуубут кытаата, туругура
турдун. Сааһырдахпыт ахсын өссө күндү буоллун!
Ытыктабыллаах Степан Степанович, Эһиги киэҥ Туймаа-
да Эбэ кэтит көхсүн кэрэ, дьикти муннугар — Булгунньах-
таахха Кулгаах сэргэ курдук истэ-билэ, Ат сэргэ курдук
ыҥыра, иҥэрсийэ, Чороон сэргэ курдук аһата-сиэтэ, Тойон
сэргэ курдук тоҕуорута, күндүлүү-маанылыы олороргутугар,