Page 32 - Аржаков Степан Степан

аатын үйэтитэр туһүнан уураах ылынна. Пааматынньыгын
уонна мемориальнай дуоскатын оҥорууга, туруорууга хар-
чы көрдө. Биир алмааска аатын иҥэрэргэ "Алросаҕа" со-
руйда. Лоомтука оскуолатыгар аатын иҥэриэххэ диэн этии
баар. Оҕонньор эһиил атырдьах ыйыгар 90 сааһын туолуох-
таах. Онно диэри кинигэ тахсыахтаах этэ.
Василий Константинович этэҥҥэ курдук. Көстөр да
дьүһүнэ арыыйда буолла. Колхозтаахтар да бары этэҥҥэ
курдукпут. Раиса Максимовна даачаҕа киирэ-тахса сылдьар
быһыылаах. Сотору-сотору телефоннаһабыт.
Эн дьэ кытаат. Түргэнник үтүөр. Бары үтүөнү баҕара
хаалабын Ф. Охлопков.

Табаарыһа, доҕоро, быраата, Российскай Федерация
үтүөлээх бырааһа Иван Иванович Местников
уонна Степан Степанович кэргэнэ
Раиса Максимовна суруктара

Күндү Степан Степанович!
Кэлэн иһэр бары бырааһынньыктарынан таптыыр, ахтар-
саныыр Сахаҥ сириттэн истиҥ-итии, үтүө санаалардаах
эҕэрдэтэ тут!
Эпэрээһийэлэммиккин, ол кэнниттэн туруккун, настарыан-
ньаҕын барытын кэриэтэ манна бары билэ, истэ олоробут.
Иннокентий Гаврильевич, Людмила Васильевна уонна
постпредство атын да үлэһиттэрэ биллэрэллэр, сибээһи
тутан олороллор.
Дьэ, үгүһү тугу суругунан этиллиэй, биири эрэ этэбин:
"Кытаат!", — диэн. Улаханын, сүрүнүн бардыҥ. Аһардыҥ,
аастыҥ. Онон эр санааны ылынан, күүскүн түмэн үчүгэй
буоларга охсуһуохтааххын. Сэниэ, күүс-уох мөлтөөн сыт-
таҕыҥ. Эпэрээссийэ да диагноз да ыарахаттар. Биллэн ту-
рар, ол киһи күүһүн өһүлэр, ньиэрбэтин да кэбирэтэр. Эн,
Степан Степанович, ону барытын бэркэ диэн билэҕин. Онон
мобилизацияланыах тустааххын. Дьэ ол иһин, быраастарыҥ
тугу этэллэрин ис дууһаҕыттан ылынан толороруҥ наада.
Иккиһинэн, төһө сүрэҕиҥ сөбүлүүрүнэн таптыыр астаргын
сакаастаан аһыы сатаа. Чаастатык, кыра-кыратык. Өссө,
кыаххынан көрөн, актыыбынай соҕус позицията ыла сатаа,
наһаа сыта, олоро сатаама. Хамсааһын хаан сүүрүүтүгэр,