Page 218 - Бэстэрикиэптэр. Олох салҕанар

Бэстэрикиэптэр. Олох салҕанар

Махтал тыллара

Урукку общественнай система уларыйан, обществоны киһиэхэ чугаһатан
тэрийии тумугэр, былыргы өбүгэни, терут хааны, культураны сергутуу тахса-
рыгар сиэрдээх кэм кэллэ. Төрөппуттэри, ытык дьоммутун ахтан, кинилэргэ
махтал тылын этэр буоллахпытына, ол аата биһиги учугэй угэстэри умнубаппы-
тын, салгыыр кыахтаахпытын көрдөрөбут. Нуучча улуу поэта А.С.Пушкин бэйэ-
тин төрүттэрин д ириҥ ни к үөрэппитэ, роман суруйар санаалааҕа кыайан туол-
бакка хаалбыта. Оттон саха Пушкина диэн сөпкө ааттанар биһиги Иван Гоголев-
пыт тиһэх сыллардааҕы айымньыларын былыргы өбугэтин Уйбаан Кындыл ааты-
нан илии баттыыра. Кини биир сонетыгар маннык эппиттээх:
Махтанары сатыыр киһи
Сатаан төлуүр ытык иэһин.
Онон бу мин доҕорум, журналист Филипп Пестряков тереппуттэригэр мах-
талы, киэҥ , кэскиллээх санааны этэр кинигэтэ бары өттунэн сырдыгынан, утуе
санаа сылаас тыынынан илгийэр.
Мария Петровна уон оҕону иитэн, атаҕар туруоран олохтон барбыта кини
ыччаттарыгар, чугас дьонугар умнуллуо суохтаах - удьуордааһын баар буолла-
ҕына, сахалар үунэ-сайда туруохпут, чол буолуохпут. Оттон Петр Петрович Пес­
тряков уйэтин тухары төрөөбүт улууһугар уөрэҕи, билиини тарҕаппыт утуөтэ
билингҥэ диэри умнуллубат. Үтүөлээх учуутал аатынан Орто Эбэ оскуолата би-
л и ҥ һ г и суүһүнэн ахсааннаах Пестряковтар тэнийэ-тарҕана туралларын кэрэһи-
лиир, кинилэр инники кэскиллэрин уһанар.
Бырааттыы Пестряковтар бары талааннаах дьоннор. Эстрада аатырбыт
артиһа Петр Пестряков норуокка киэҥ ник биллэр, кини "Ээ, этимэ даҕаны" диэн
кинигэтэ суруйааччылар эйгэлэригэр биһирэбили ылбыта. Бу кинигэҕэ сорох
көрдөөх кэпсээннэрэ киллэриллибиттэрэ ааҕарга кэрэхсэбили, саҥа санааны
үөскэтэр.
Оҕо төрөппүттэрин умнубата - утуө быһыы бэлиэтэ эрэ буолбатах, онуааһан
төрөөбут түөлбэҕэ, чугас дьо ҥ ҥ о , норуокка бэриниилээх буолуу холобурун
көрдөрөр.
Кинигэни ааҕан баран, киһи барыта маннык оҕолордооҕо буоллар, аҕыйах
ахсааннаах сахабыт норуота элбиир, үунэ чэчириир, чөл олохтоох буолар сыр-
ды к аартыкка бигэтик үктэниэ этэ диэн санааҕа кэлэр.
Дьоллоох буолуҥ, бары Пестряковтар!

В а с и л и й С И В Ц Е В ,
поэт, Р о с с и й с к а й Ф е д е р а ц и я
у о н н а С а х а Р еспубл икат ы н
культ ураҕа үт үөлээх үлэһит э,
И в а н Г о го л е в -К ы н д ы л аат ы нан
лит ерат урнай б и р и э м и й э лауреат а.

182