Page 119 - Untitled

сиэктэринэн, онтон 1976—1979 сылларга комсомол Уус Алдан-
нааҕы райкомун I сэкирэтээринэн талыллыбыта. Биллэрин
курдук, ол кэмнэргэ «Оскуола — производство — үрдүк үөрэх»
диэн лозунг киэҥник тарҕаммыт этэ. Оҕолор кырата икки-
лии-үстүү сыл үлэлээн, үөрэхтэн тэйэ быһыытыйаллара. Дьэ
онуоха, улууһун ыччатын үөрэхтээри, сэкирэтээр Екатерина
Васильева, чуолаан Уһук Илин үрдүк үөрэҕин кыһаларыгар,
«биһиэхэ маннык үчүгэй производственник, пятилетка гвар-
дееһа, комсомолец, спортсмен, уус-уран самодеятельность
кыттыылааҕа баар, кинини бэлэмнэнии салаатыгар, баһаалыс-
та, үөрэххэ ылыҥ» диэн барыларыгар сурук суруйан, почтанан
ыытан кэбиһэр эбит. Соһуйуон, үөрүөн иһин, онуоха вузтартан
үчүгэй хоруйдар кэлитэлээннэр, үгүс ыччат үрдүк үөрэхтэнэн
турар!

Дьон туһугар

Екатерина Сидоровна, ханна да үлэлээтэр, ити курдук, бары-
та дьон туһугар, дьоҥҥо туһалаах буоллар диэн оҥорор, тэри-
йэр. Хабаровскайдааҕы ВПШ-ны бүтэрэн баран, 1983—1990
сылларга Таатта райкомугар II сэкирэтээринэн үлэлээбитэ.
1986 сыллааҕы обком III пленумун уурааҕын өйдүүр ини-
гит — оһуохайынан, олоҥхонон «олус үлүһүйбэт» кэм кэлбитэ...
Онуоха, Суорун Омоллооннуун сүбэлэһэн баран, «Арассыыйаҕа
„Пушкин ааҕыылара“, „Лермонтов ааҕыылара" диэн баар, оч-
чотугар биһиги „Ойуунускай ааҕыыларын" тэрийиэҕиҥ» диэ-
биттэрэ. Дьэ онно сөхпүтэ ээ дьон-норуот туруммутун, санаата
кэлбитин!
Бырабыыталыстыбаҕа Екатерина Васильеваны САПИ-га
үлэлии сырыттаҕына ыҥыран ылбыттара...

Бэчээт, тыйаатыр уонна айар сойуустар

Дойду үрдүнэн бу кэмнэргэ туруктаах быһыы-майгы соччо
суоҕун Екатерина Сидоровна өйүнэн-сүрэҕинэн билбитэ. Ол
95