Page 109 - Николай Кривошапкин. Алгыһынан арчыламмыт аартык

89 АЛГЫҺЫНАН АРЧЫЛАММЫТ ААРТЫК

гулаана биһиги санныбытыттан эмиэ түспэтэ. Ол сахха
комсомольскай иитии хайысхатынан нэһилиэк ыччат-
тарыгар политүорэх диэн баара. Нэдиэлэҕэ биир күн
оскуолаҕа мустан политическай сонуннары истэрбит.
Филипп Петрович — куруһуок салайааччыта. Кини
аан дойдуга, Сэбиэскэй Сойууска, республикаҕа буо-
лар политическай быһыыны-майгыны ырытан хас сы-
рыы аайы олус интэриэһинэй иһитиннэриини оҥоро-
ро. Аммаҕа телевизор өссө кэлэ илик кэмэ буолан,
биһиги, ыччаттар, Филипп Петровичпыт кэпсээни-
нэн эрэ аан дойду балаһыанньатын билэрбит. Кини
киэҥ сиринэн тэлэһийэн сылдьыбыт, Сэбиэскэй Аар-
мыйа офицер, рота хамандыырын солбуйбут, үрдүк
үөрэхтээх киһи бары оттүнэн биһигиннээҕэр таһыч-
чы киэҥ билиилээҕэ, политическай өттүнэн ыстаал
курдук хатарыллыбыт киһи этэ. Хаһыаты, сурунаа-
лы туппутунан сылдьара, ааҕа түһээт сонно аннынан
тардан бэлиэтэнэрэ. Аны олус үчүгэй араатар, бары
айахпытын атан олорон истэрбит. Эбиитин идэтинэн
математик буолан, сынньалаҥҥа төбонү үлтү сынньар,
киһи толкуйдуур дьоҕурун сайыннарар араас сорудаҕы
биэрэн суоттатара. Ол иһин нэдиэлэҕэ биир чаастаах
куруһуокпут үксүгэр 2 чааска диэри уһуура.
Пестряковтар дьиэлэрэ эдэр учууталлар түмсэр сир-
битинэн буолбута. Кини кэргэнэ Любовь Николаевна
— эмиэ биир ураты киһи. Барыга бары көхтөөх, ырыа-
һыт, үҥкүүһүт, спортсменка, быһата, кыраһаабысса.
Дьиэлэригэр муһуннахпытына, биһиги, эдэр кыргыт-
тар, муода эйгэтигэр киирэрбит. Бырааһынньык аайы
таҥас тиктэр түбүгэр Пестряковтар дьиэлэрин иистэ-
нэр сыахха кубулутарбыт. Муода сурунаалын почта-
нан суруйтаран ылан, онон көрөн былаачыйа, көстүүм
бэлэмнэнэрбит. Ол сыахпытыгар «снабженецпыт»,