Page 53 - Николай Кривошапкин. Алгыһынан арчыламмыт аартык

41 АЛГЫҺЫНАН АРЧЫЛАММЫТ ААРТЫК

туораттыбыт. Халыҥ тыанан, алаастарынан айаннаан,
биир үрэҕи батыһан Сылаҥ нэһилиэгин Бэрэтигэр
тиийдибит.
Куула сыыры түһээппитин кытта, суол уҥа оттүгэр
ампаар таһыгар балайда киһи сүөһү өлорон астыы
сылдьаллар эбит. Онно кыһамматыбыт, кыыһым Люба
ханна олорорун ыйдараары биир дьиэҕэ астардыбыт.
Ону баара... быаҕа куурдулла турар таҥастар быыста-
рыгар олус бэркэ билэр былааччыйам ыйанан турар.
Дьылҕа хаан анала диэн, хор, оннук буолара дьикти:
уонтан тахса кос сири айаннаан торүт билбэт дой-
дугар кэлбитиҥ — таптыыр киһиҥ таҥаһа кылбаччы
сууллан, быаҕа ыйанан эйигин кэтээн турар...
Дьиэҕэ киирдибит, биир эмээхсин баар — эдьиий-
дэрэ Харытыана. Ыйыппыппыт, кырдьык, Любаҥ бу
дьиэҕэ олорор диэн буолла. «Сүоһү өлорө сылдьаллар,
онно барбыта», — диэтилэр.
Люба убайа Сүөдэр, саҥаһа Дуунньа, атын аймах-
тара сотору кэминэн күтүөт буолбут уолларын олус
үчүгэйдик корсүбүттэрэ. Дьиҥинэн, ити саҕана Люба-
лыын ыал буолар туһунан олохтоохтук кэпсэтэ илик
этибит. Ол да буоллар, Харытыана эмээхсин, баҕар,
кырдьаҕас киһи быһыытынан кыыспытыгар сөптоох
уол эбит диэн сүрэҕинэн сэрэйбитэ буолуо: «Күтүөт-
түү кэлэр киһи баттаххын кырыттаран да баран кос-
түө эбиккин», — диэн сэмэлээбитэ.
Ол кэмтэн ыла түорт уонча сыл ааста — ыал буо-
лан, дьон сиэринэн, этэҥҥэ олоробут. Харытыана диэн
муударай эмээхсин эмиэ да дьээбэлээх, эмиэ да сү-
бэлээх — икки өрүттээх этиитин ылынан, мин Чурап-
чыга аймахтарбар күүлэйдии барыам иннинэ хайаан