Page 7 - Е.П. Жирков Сайдыы суолун солоон

I. Хайа баҕарар омук төрөөбүт тыла тыын-
наах буоларыгар, салгыы сайдарыгар баста-
кы суолтаны биэрбитэ. Ол туһуттан оскуолаҕа
төрөөбүт тылы үөрэтэр чаас эбиллибитэ, оҕо кыра
эрдэҕиттэн ийэ тылынан иитиллэрэ, үөрэнэрэ
наада диэн сыал-сорук турбута.
II. Омук-омук бэйэтэ туспа айылгылаах, май-
гылаах-сигилилээх, өбүгэ саҕаттан илдьэ кэлбит
үгэстээх-үөрүйэхтээх. Оҕону-ыччаты иитэргэ-
үөрэтэргэ омук айыллыбыт айылгытын (психо-
логиятын), ыччатын киһилии киһи гына иитэр
үйэлээх үгэһин (норуот педагогикатын) үөрэтэн-
билэн олоххо туһанарга.
III. Ханнык баҕарар омук киһи аймах сайдыы-
тыгар кыттыһар кылаата - кини төрүт культура-
та, орто дойдуга олох олорон ааспыт суола-ииһэ,
өйө-санаата, итэҕэлэ. Кэнэҕэс кэлэр көлүөнэ саха
омугу салгыырын туһугар омугун төрүт культу-
ратын этигэр-хааныгар ивгэринэ улаатыахтаах,
ыаллыы норуоттарын уонна аан дойду культу-
раларын билиэхтээх, үөрэтиэхтээх.
IV. Аҕыйах ахсааннаах хотугу норуоттар тыл-
ларын өрүһүйэн, оскуолаҕа киириэн саастаах оҕо
тэрилтэтигэр, оскуолаҕа төрөөбүт тылы үөрэтэр
усулуобуйаны тэрийии.
«Национальнай оскуоланы саҥардан са-
йыннарыы Концепцията» саха норуотун айар
күүһүн уһугуннарбыт сүдү үтүөлээх. Ол төрүтэ
диэн соҕотох биир - бэйэ омугун сыаналааһын,
бэйэ норуотун күүһүн итэҕэйии.