Page 17 - Василий Никанорович Леонтьев (1895-1932) статьи

"Кыһыл ойуун" символларын туһунан литературнай биэчэрдэр
ыытыллыбыттар. Бу биэчэрдэргэ Портнягин тылбаастаабыт "Эрдээх
кырдьаҕас", Никита Слепцов тылбаастаабыт "Сибэтиэйдэр итиэннэ

кыамматтар", эмиэ кини тылбааһынан "Уочаратынан" диэн спектакллара
көрдөрүллүбүттэр.

Барыта 49 чилиэннээх литературнай куруһуокка 14 дакылаат

оҥоһуллубут. Онно марксизм үөрэҕин быһыытынан искусство,
художественнай литература диэн туохтарын, литература кылаассабайын, уус-
уран айымньылар көрүҥнэрин уонна ис хоһооннорун уо.д.а тустарынан

кэпсэтии барбыт. Литература оччотооҕу туһаайыыларын, саха литературата
үөскээһинин уонна кини характерын, А.Е. Кулаковскай литературнай
айымньыларынсуолталарын тустарынан ырыппыттар.

"Сырдык суол" диэн илиинэн суруллар литературнай сурунаал, биэс
төгүл таһаарыллыбыт, субуотунньуктарга доруобуйа, сахалар төрүттэрин
уо.д.а. тустарынан дакылааттар оҥоһуллубуттар. Учууталлар Васильев уонна

Дягилев үөрэҕэ суоҕу эһэр пууннарыгар 55 киһи үөрэнэрин туһунан
суруллубут. Ол курдук, физкультура, саахымат, дуобат куруһуоктарыгар

элбэх киһи дьарыктанар эбит. (ССКП Саха ОК ПА, ф.З, оп. 3, д. 1182, лл.28
л.).

Бу общество Байаҕантайдааҕы филиалын 1924 сыллааҕы үлэтин

отчуота эмиэ архыыпка баар. Онно бырабылыанньаҕа С.М. Кочкин, Ф.С.
Андросов, Н.Д. Неустроев киирэллэр эбит. Отчуокка филиал 100
чилиэннээҕин, театральнай, тылбаас, кыраайы үөрэтэр секциялар баалларын

туһунан суруллар. Хас субуота аайы дакылааттар, араас темаларга
рефераттар дьүүллэһиллэллэр эбит. Тылынан хаһыат 5 Ы-рэ таһаарыллыбыт,
нуучча суруйааччыларын уонна поэттарын 50 кэпсээннэрэ, хоһоонноро

тылбаастаммыт, элбэх спектакллар туруоруллубуттар. Кыраайы үөрэтэр
секцияҕа саха 600-чэкэ остуоруйалара, үһүйээннэрэ, өс хоһоонноро уонна
таабырыннара хомуллубуттар, народнай библиотека тэриллибит. Уолбаҕа
улахан дьон оскуолалара аһыллыбыт, художник И.В. Попов хартыыналарын

быыстапката, Дьөҥкүүдэ оскуолатын үөрэнээччилэрин уруһуйдарын
быыстапката тэриллибиттэр. Отчуот түмүгэр спектакллар, дакылааттар,
дьүүллэһиилэр, революционнай бырааһынньыктар олохтоох нэһилиэнньэ

олоҕор киэҥник киирдилэр диэн этиллэр. ("Автономная Якутия" хаһыат,
1925 сыл, олунньу 3 күнэ).

"Саха омук" общество биир үчүгэй өртүн быһыытынан саха
интеллигенциятын үгүс өртө пепеляевщина (1922 -1923 сс.), Артемьевщина