Page 24 - В.Н. Леонтьев диэн кимий. Баһылай Бырдьахаанап.

Протодьяконов Василий Никитич — СР үөрэҕириитин
үтүөлээх, РФ Үрдүк профессиональнай үөрэҕириитин бочуот-
таах үлэһитэ, Таатта улууһун ытык олохтооҕо, тыыл бэтэрээ-
нэ.
1934 с. Таатта Чөркөөҕөр төрөөбүтэ. 1954 с. Дьокуускай-
дааҕы педучилищены бүтэрэн, үо сыл армияҕа сулууспалаан
баран, 1957 с, СГУ саха салаатыгар үөрэнэ киирбитэ. 1962 с.
саха тылын уонна литературатын кафедратыгар ассистены-
нан, онтон старшей преподавателинэн, доцөнынан билигин
да ситиһиилээхтик үлэлии сылдьар.
Университекка «Саха литературатын историята», «Саха ли-
тературнай кириитикэтин историята», «Саха литературатын
оскуолаҕа үөрэтии мөтодиката» куурустары ааҕар, элбэх
үөрэх кинигэтин, научнай ыстатыйалары бэчээттэттэ. Улэтин
сүрүн ис хоһооно — саха тылын күүһүн тилиннэрии, омук
кырдьыгын, уратытын туруулаһыы.

9