Page 79 - Кун кууьар хайатыттан

Атахпыт таҥаһын устубаппыт,
Курбутун эрэ сымнатабыт.
Тимир оһох сыламыттан нуктуубун
Уонна түүл түһүүбүн.
Ол түүлбэр уолум Тендик
Өрүһү туораан кэлбит.
Уолчааммын ыксары кууһабын,
Минньигэс сытын эҕирийэбин.
Уолум миигиттэн көрдөһөр:
«Аҕаа, миэхэ аптамаатта аҕал,
Фашистары кыргыаҕым.
Саллаат бэрдэ буоламмын
Эйигинниин хаамыаҕым биир кэккэҕэ.
Мин улахан киһибин,
Мороженай көрдүөм суоҕа.
Ханна даҕаны тийсиэҕим,
Миигин илдьэ бар, аҕаа».
Мин уолбар хоруйдаатым:
«Ыксаама, уолчааныам,
Саллаат буолар ыарахан.
Ийэҥ — эр киһини төрөппүтэ,
Кэмэ-кэрдиитэ кэлиэҕэ,
Ытык иэскин толоро ыҥырыллыаҥ.
Толоруоҥ, уолчааныам, чиэстээхтик,
Төрөөбүт дойдуҥ иннигэр ол иэскин,
Оттон мин ирдиэм ону эйигиттэн!»

БАҔАРДЫМ ОҔОЛУУ ООННЬУОХПУН

Баҕардым оҕолуу оонньуохпун,
Күннээҕи түбүкпүн умнаммын.
Кэргэниэм, көрүмэ дьиктиргээн,
Кыйдаатым күннээҕи сылаабын.

Төһө да көрүлээ, уруйдуу
Эргийбэт оҕочоон саастарым!
Мин сырыылаах ат буолуум дуу,
Эн миигин миинэн кээс, уолчааным...
77