Page 126 - Семен Васильевич Хон

нэһилиэктэр баһылыктарын ааттарын-суолларын респу­
блика барыта билэр буолбута. Ол курдук биһиги улууска
программанан үлэҕэ Хоро СК (директор ССРС культуратын
туйгуна Елизавета Васильевна Евдокимова) дьиэ кэргэн
(кэлин бу программа ИСАР - Дальний Восток гранын ылары
ситиспитэ), Үөдүгэйдээҕи СК (директор М.П. Федорова) «Иэ-
йии» вокальнай, академическай ырыаны сайыннарыыга,
Дүллүкү СК (директор СР культуратын туйгуна М.И. Чоро­
сов) «Олох суола» нэһилиэк историятын үөрэтиигэ, Ороһу
СК (директор СР үтүөлээх артыыһа Д.Е. Иванов), Боотулуу
СК (директор СР культуратын туйгуна Варвара Ивановна
Семенова, театр режиссера СР культуратын туйгуна Нико­
лай Николаевич Тихонов, СР үтүөлээх артыыската Ольга
Васильевна Григорьева) театры сайыннарыыга, Мэйик СК
(директор СР культуратын үтүөлээх үлэһитэ Джемма Ин­
нокентьевна Федотова) ырыа сайдыытыгар уо.д.а. нэһи-
лиэктэр туе көрүүлээх программанан үлэлээбиттэрэ. Бу үлэ
эмиэ опыт буолан семинардарга сырдатыллыбыта. Дьон-
сэргэ култуураҕа сыһыана биллэ сэргэхсийбитэ, саҥаттан
саҥа ситиһиилэр тиһигин быспакка кэлэ турбуттара. Он-
тон биһиги үһүөн арыт түүн 02-03 чааска дылы бириэмэни
билбэккэ наһаа да иллээхтик, улуус култуурата сайдарын
туһугар ис - испититтэн өрө көтөҕүллэн Семен Васильевич
политикатын олоххо киллэрэргэ сорунан туран үлэлиир-
бит. Биһиги көлүөнэ ИМЦ методистара Хон Семен Василье­
вич хамаандатыгар үлэлээбиппитинэн киэн туттабыт, кини
үрдүк аатыгар сүгүрүйэбит.
Култуура эйгэтигэр ситиһиилээхтик үлэлиирбитигэр
бэйэтин билиитин-көрүүтүн биэрбит ытык салайааччы-
бытыгар махтанан туран үтүө доруобуйаны, дьиэ кэргэни-
гэр дьолу - соргуну, уһун олоҕу баҕарабын.

Светлана Аммосова,
СР культуратын туйгуна, 1999-2007 сс.
Үөһээ Бүлүүтээҕи ИМЦ директора

9 4