Page 18 - Семен Васильевич Хон

тыа сирин культурата хайдах сайдан кэлбитин, республика
киэн туттар, улахан өҥөлөөх дьонун биирдиилээн арыйан,
уустаан-ураннаан суруйан хас да кинигэни бэйэтин үбүгэр
таһаартарбыта буолар. Бу кинигэлэр культура эйгэтигэр,
дьонугар-сэргэтигэр улахан бэлэх буолаллар.
Семен Васильевич Бэрдьигэстээххэ олорор культура
бэтэрээнэ Александров Гаврил Ильич, «Балаҕаннаах оҕон-
ньор», туһунан кинигэтигэр кини сайылыгын Матта үрэх
кытылын уустаан-ураннаан, ойуулаан-дьүһүннээн суруй-
бута киһини сөхтөрөр. Ааҕа олорон кини суруйааччы да
буолара хаалбыт эбит дии саныыгын.
Семен Васильевич биир сөхтөрбүт, үөрпүт түгэнинэн
буолар, культура колледжын коллектива мин үбүлүөйбүн
бэлиэтиир күнүгэр соһуччу научнай-методическай киин-
тэн кини салайыытынан бары эр дьоннор кэлэн эҕэрдэ-
лээбиттэрэ, сибэкки дьөрбөтүн бэлэх туттарбыттара буо­
лар. Коллегаларым, дьэ, сөҕүү бөҕө, урут бииргэ үлэлээбит
кыргыттарым ити тэрилтэттэн кэлиэхтэрин баҕарбыт-
тарын, көҥүллээбэтэх. Ол Семен Васильевич ис-иһиттэн
итинник хайаан да туох эрэ ураты - атын үөрдэр, сөхтөрөр
ньымалардааҕын туоһута буолар.
Мин Семен Васильевичтыын билиҥҥэ дылы алтыһа-
быт. Биһиги өр сылларга культура эйгэтигэр бииргэ үлэ-
лээбит буолан, тыа сирин культуратын сайдыытыгар биир
интэриэстээх, улаханнык ыалдьар темабыт буолан, са-
наабытын атастаһабыт, арыт мөккүһэн да ылабыт. Семен
Васильевич кинигэлэрин суруйар кэмигэр ыҥыран ылан
аахтарар, сүбэлэһэр, санаабын истэр. Мин онтон үөрэбин,
улаханнык сыаналыырыттан астынабын, махтанабын.

Тамара Егоровна СЛЕПЦОВА,
ССРС культуратын туйгуна,
Саха Республикатын культураҕа үтүөлээх үлэһитэ,
Горнойулууһун бочуоттаах олохтооҕо

14