Page 233 - Дойдум Уус-Алдан Хорого

:... Хоро нэһилиэгин историята = .............................. = .....................................
бүтэрбитэ. 1954-1958 сс. Орто-Халыма оройуонугар уголовнай розыска опер.уполномоченайынан
үлэлээбитэ. 1958-1961 сс. Нам оройуонугар, 1961-1962 сс. Таатта оройуонугар үлэлээбитэ. 1962-
1965 сс. Москватааҕы үрдүкү МООП РСФСР очно үөрэнэн бүтэрбитэ. Онно государственнай
экзаменационнай комиссия быһаарыытынан Майор званиетын ылбыта. Ити кэнниттэн Аллайыаха,
Амма, Мирнэй куоракка РОМ МВД начальнигынан үлэлээбитэ.
4. Тролуков Василий Михайлович (майор) - Хоро нэһилиэгэр, Нэлим үрэххэ төрөөбүтэ. Үрдүк
үөрэхтээх. Верхоянскайга прокурорунан үлэлээбитэ.
5. Крылов Петр Гаврильевич - Хоро нэһилиэгэр Куотукаҕатөрөөбүтэ. Нам оройуонун народнай
судьуйата.
6. Крылов Николай Михайлович (капитан) -1922 с. бэс ыйын 22 күнүгэр Байаҕантай нэһилиэгэр
төрөөбүтэ. 1944-1968 сс. Уус-Алданҥа МВД начальнигынан уонна делопроизводителинэн үлэ-
лээбитэ.
7. Бурцев Владимир Гаврильевич.
8. Бурцев Дмитрий Иванович (капитан).
9. Бурцев Афанасий Николаевич.
10. Орлов Алекс. Николаевич.
11. Бурцев Николай Гаврильевич

Прокуратураҕа үйэ чиэппэрин кэриҥэ

Биир үлэҕэ өр сыллар усталарыгар халбаҥнаабакка утумнаахтык үлэлээһин ханнык баҕарар
киһини киэргэтэр, кини талан ылбыт идэтигэр чахчы эттиин-ханныын бэриниилээҕин көрдөрөр.
Оннук дьоннортон биирдэстэринэн Хоро нэһилиэгиттэн төрүттээх 24 сыл устатыгар республика
прокуратуратын органнарыгар үтүө суобастаахтык үлэлээн ааспыт Илья Степанович Гуляев этэ.
Илья Степанович 1915 сыллаахха кулун тутар 1 күнүгэр Илин Бырдьаҕа Туулуур диэн сиргэ то-
рөөбүтэ. Кини аҕата Степан Андреевич советскай былаас бастакы сылларыгар нэһилиэгэр рев-
комнаабыт, «Кыһыл агроном» колхозка председателлээбит киһинэн биллэрэ.
Илья сэттис кылааһы Мүрү Томторугар колхозтаах ыччат оскуолатыгар бүтэрбитэ уонна
тута Чараҥ начальнай оскуолатыгар икки сыл учууталлаабыта (1935-1937 сс.). 1937-1939 сс.
бастаан суоччутунан, онтон колхозка председателинэн үлэлээбитэ. 1939 сыл күһүнүгэр Дьокуускай
куоракка киирэн икки сыллаах юридическай оскуолаҕа үөрэнэн, 1941 сыл от ыйыгар бүтэрбитэ
уонна Булун оройуонугар следователинэн ананан барбыта. Ити кэмтэн ыла кини юридическай
сулууспа эппиэттээх дуоһунастарыгар эҥкилэ суох ор сыллаах үлэтэ саҕаламмыта. Булуҥҥа 1945
сыл балаҕан ыйын 17 күнүгэр диэри үлэлээбитин кэнниттэн, аны Ньурба оройуонугар следовате­
линэн ыыталлар. Сыл кэриҥэ үлэлээбитин кэнниттэн 1946 сыл от ыйыгар төрөөбүт оройуонугар
эмиэ следователинэн көһөрөллөр. Манна кэлэн 1948 сыл сэтинньи 26-гар диэри үлэлээбитэ. Онтон
ити сыл Эдьигээн оройуонугар прокурорунан ананан барбыта уонна 1953 сыл алтынньы 6 күнүгэр
диэри ити дуоһунаһы толорбута. Итинтэн салгыы Илья Степанович 1953-1963 сыллардаахха Таатта
оройуонугар бастаан утаа прокурорунан, онтон салгыы оройуон следователинэн, кэлин оройуон
прокурорун көмөлөһөөччүтүнэн уон сыл кэриҥэ үлэлээбитэ. 1963 сыллаахха Халыма оройуонугар
прокурор көмөлөһөөччүтүнэн ананан барбыта. Сулууспатын тиһэх сылларыгар 1964 сыл муус
устар 5 күнүттэн 1965 сыл кулун тутар 31 күнүгэр диэри өрүс унуордааҕы оройуоҥҥа прокурор
көмөлөһөөччүтэ этэ.
И.С.Гуляев төһө даҕаны прокуратура органнарыгар салгыы үлэлиэн баҕарбытын иннигэр
доруобуйата мөлтөөн тохтуурга тиийбитэ. Ол да буоллар, үлэттэн букатын арахсыан баҕарбакка,
1965-1967 сс. урукку Алексеевскай оройуонугар тыа хаһайыстыбатын управлениетыгар кэлэн
үлэлээбитэ. Кини ор сыллаах эҥкилэ суох сулууспалааһына «1941-1945 сс. Аҕа дойдуну көмүскүүр
Улуу сэрии сылларыгар килбиэннээх үлэтин иһин» медалынан, Саха АССР Верховнай Советын
Президиумун Бочуотунай Грамотатынан, советскай прокуратуратэриллибитэ 30 сылатуолуутунан
сибээстэн Махталынан уонна олоҕун араас кэрдиис кэмнэригэр үлэлээбит миэстэлэриттэн элбэх
ахсааннаах Махтал суруктарынан, Грамоталарынан бэлиэтэммитэ.
И.С. Гуляев кэргэнинээн Варвара Никитична Тарасовалыын түөрт оҕону төрөтөн улаатын-
нарбыттара, үлэһит дьон оҥортообуттара. Варвара Никитична идэтинэн 30 сыл учууталлаабыта,
ол иһигэр Мүрү орто оскуолатыгар үс сыл устата үлэлээбитэ.
/Н.А.Орлов, МС./

229