Page 173 - Курбуьахтар А5а дойду кемускэлигэр

Ким да улшуллубат, туох. да умнуллубат!

Ховров, И. Р. Ньүөкүнүлэр, Моххолор түмсэн... / И.Р. Ховров, Д. И. Пухов,— Дьо-
куускай, 2005,- С. 41.

ПУХОВ ВАСИЛИЙ ВАСИЛЬЕВИЧ I
(1897-1990)

1897 сыллаахха I Курбуһах нэһилиэгэр Ньүөкү-
нүгэ Василий Николаевич уонна Мария Ивановна
Пуховтар дьиэ кэргэннэригэр төрөөбүт. Илин Ку-
ладыга абаҕата Василий Петрович Аммосовка
иитиллибит. Сааһын ситэн, дьиэ-уот тэринэн, кэр-
гэннэнэн Чараҥытта алаас халдьаайытыгар олох-
суйбут.
1929 сыллаахха «Нүөдүрүкү» тыа хаһаайысты-
баннай артыалыгар киирбит. Ол туһунан бэйэтин
ахтыытыгар Василий Васильевич бу курдук суруй-
бут: «Бииргэ үөскээбит дьоннорум, чугас аймахта-
рым бастакы холкуостааһыҥҥа артыалга киирэртэн туттуммуттара. Ки-
нилэр сүөһүлэрин артыалга холбууртан дьулайар быһыылаахтара. Онуоха
мин сөбүлэспэккэбин 1929 сыллаахха Кулады аҕатын ууһугар Чараҥытта
диэн кыра алааска көһөн тиийэммин Г. Р. Окнешников тэрийбит «Нүө-
дүрүкү» диэн табаарыстыбатыгар чилиэнинэн киирбитим, артыал үлэһитэ
буолбутум».
1932 сыллаахха «Кыһыл хардыы» холкуос тэриллибит. Онно артыал
чилиэннэрэ сүөһүлэрин, көлөлөрүн холбоон коллективнай хаһаайыстыба-
ны үөскэппиттэр. Василий нэһилиэк Сэбиэтин чилиэнэ буоларынан уонна
холкуостары тэрийиигэ актыыбынайдык туруммутунан кинини артыал чи­
лиэннэрэ холкуос бэрэссэдээтэлинэн талбыттар. Сүрдээх дьаһаллаах, бэ-
йэтэ тэҥҥэ үлэлэһэрэ эбит. 1935 сыллаахха маҥнайгы холкуостаах стаха­
новец үрдүк аатын сүкпүт.
Холкуос туруу үлэһитэ 1939 сылтан Ааллаах Үүҥҥэ, Моой Ыйаабыкка
таһаҕас таһыытыгар хаста да сылдьыбыт. «Кыһыл хардыы» холкуос оту-
тус сыллардааҕы ударнига, стахановеһа 1943 сыллаахха аармыйаҕа ыҥы-
рыллыбыт, фронт сакааһын толорон Чита куоракка сулууспалаабыт. Кини
Усть-Кут, Заярскай, Ангара шоссейнай суолугар үлэлээбит. Японияны ута-
ры сэрии кыттыылааҕа. Биир дойдулааҕа Карманилов Спиридон Егоро-
вичтыын биир чааска сулууспалаабыттар.

155