Page 50 - Агабыт туьунан иьирэх тылынан

Киэһэрбит күнүм сөрүүн, чуҥкук,
Уораан тыына курдат дьайар.
Мэйиибин да иирдиэх курдук,
Хара күлүгэ харахпар барыйар.
Суох, мин өрүү бэриммэппин,
Ол муҥун мин киэр кыйдыыбын.
Кимиэхэ да ол сорун эппэппин, -
Сүүс өлүүнү туораан тыҥыыбын.
Улаатар сааспар сукка хаптаран,
Дыгдайа иһэлийэн чуут оппутум.
Кыбыстыга суох кырдьыгы саҥаран,
Ол муҥун кэпсиир буолбутум.
Түөрт сыл саллаат сэбиэскэй өйүн,
Өһөс тыыныгар иитиллибитим.
Икки сыл сэрии өһөгөйүн,
Хааннаах хабыр хапсыйыыга киирсибитим.
Хата наар мүччү өһүллэн
Барытыттан тыыннаах оппутум.
Уорааннаах олоххо эриллэн,
Киил мастыы тулуурдаах буолбутум.
Дьылҕам ыарын да иһин
Дьылҕабар эмиэ да махтанабын.
Айымньым, ыччатым суох диэбэппин,
Бу сиргэ ыччаттаах кэлбиппин.
Олох уораанын билэн
Олоҕу ытыктыыр, сыаналыыр буолбутум.
Олоҕу кэскиллээх олорбуппар
Ситиһиим - аналбын толорбуппар.
Н.М. Иванов

Ахтылҕан
Туолбут төгүрүк ый уота Иннибэр көһүннэ бөһүөлэк,
Маҥан хаарга туналыҥныыр, Уоттара ыҥыра тырымныыр.
Бурҕайар тымныы салгыҥҥа Сылаанньыйа түстэ дии сүрэх,
Тыыным сыр-сыр сырылыыр. Тымныыны, сылааны кыйдыыр.
Ыраахтан ыйдаҥа киэһэ Дьэ, ити аата оҕо-уруу
Иһэбин дьиэбэр суос сатыы, Сылааһа, таптала тардар,
Тиэтэттэ бачча киэһэ Үлэ-хамнас, доҕордоһуу
Оҕолорбор, дьоммор - ахтыы. Үөрүүтэ-истиҥэ угуйар.

48