Page 17 - Мындааба спортсменнара

-.................................................ф

ДОРУОБУЙА, ДОҔОРДОҺУУ, СЫАЛГА ДЬУЛУУР
ТҮҺҮЛГЭТЭ СПОРТ

Күндүтүк саныыр, кэриэстиир кэргэним, аҕабыт, эһэбит, хос эһэ-
бит, Уус Алдан улууһун бочуоттаах олохтооҕо, СГУ бастакы выпуск-
никтарыттан биирдэстэрэ, улуус 60-с сыллардааҕы комсомольскай
салайааччыта, хайыһарга, чэпчэки атлетикаҕа элбэхтэ улуус, респу­
блика чиэһин көмүскэспит спорт ветерана, колхознай-совхознай үлэ
талааннаах тэрийээччитэ, Бүтүн Россиятааҕы колхозтаахтар совет-
тарын чилиэнэ, үлэҕэ ситиһиилэрин иһин мэтээллэрдээх, үлэ, тыыл
ветерана Бурнашев Иван Васильевич 2020 сылга 85 сааһын томточчу
туолан, хос сиэннэрин бүөбэйдэһэртэн соло булбат түбүктээх олоруо
эбитэ буолуо.
Иван Васильевич 1935 сыллаахха 1 Курбуһах нэһилиэгэр тыа си­
рин дьадаҥы дьиэ кэргэнигэр төрөөбүтэ. Аҕата Бурнашев Василий
Григорьевич, ийэтэ Бурнашева Матрена Николаевна уончата оҕолом-
муттарыттан үс уолу, икки кыыһы тутан хаалбыттар.
Аҕалара Василий Григорьевич өссө сэрии буолуон иннинэ Булуҥ
оройуонугар соҕотоҕун балыктыы диэн барбыт. Барарыгар дьиэ кэр-
гэнин бэйэтин бииргэ төрөөбүт убайыгар Николай Григорьевичка
дьукаах быһыытынан олохтообут.
Ийэлэрэ Матрена Николаевна дойдутугар хаалан абаҕаларын
көмөтүнэн оҕолорун атахтарыгар туруортаабыт, аҕалара хотуттан ик-
китэ кэлэн Булуҥҥа көһөргө этэн көрбүтүн ийэлэрэ ылыммакка, бар-
сыбатахтар.
40-с сыллар бу ыалга ыараханнык саҕаламмыттар, ол курдук,
1940 с. убайдара Семен Васильевич, 1941 с. үс оҕолоох эдьиийдэрэ
Матрена Васильевна, 1943 с. сэриигэ иккитэ ыҥырыллан барбыт
убайдара Николай Васильевич өлөөхтөөбүттэр. Инньэ гынан, кы-
ракый Уйбааскы эдьиийиниин ийэлэригэр иккиэйэҕин хаалбыттар.
Билии-көрүү кыһатыгар үөрэҕи уон сааһын томточчу туолан ба­
ран Чараҥ оскуолатыттан саҕалаабыта. Кыракый Уйбааскы оччотооҕу
оҕолор сиэрдэринэн сүүрэн-көтөн, ийэтигэр, эдьиийигэр дьиэ ис-
тас үлэтигэр көмөлөһөн, дьиэ соҕотох эр киһитэ буолан кыратыттан
үлэҕэ эриллибитэ. Кыра кылаастарга сылдьан сүүрэрин, салаасканан,
хайыһарынан таһырдьаттан киирбэккэ оонньуурун, араас көрдөөх
түгэннэргэ түбэһэллэрин киһи көрөн турарын курдук кэпсиир буола-