Page 40 - Мындааба спортсменнара

0 ындааба спортсменнара

сиэри гынна» диэн комментарий бөҕөтө буолара. Ону мин кэтээн
көрөрүм, ханна барарын, кэлэрин, сиирин интэриэһиргээн бөҕө буо-
ларым быһыылааҕа. Онтон Попов Миитэрэйдээх икки квартиралаах
дьиэттэн Бороҕоҥҥо көспүттэригэр, кинилэр олорбут квартиралары-
гар көспүппүт. Таһынаа ыалбытынан эмиэ саахыматы таптаан оон-
ньуур Аммосов Иннокентий (киномеханик Киэсэ) буолбута. Улахан
фигуралардаах саахыматтааҕа. Аҕам уонна Киэсэ үгүстүк киэһэ аайы
саахыматтыыллара. Киэсэ эмиэ элбэх саҥалаах, сыыстаҕына эбэтэр
көрбөккө уган биэрдэҕинэ, олус улаханнык саҥа аллайар буолан,
оонньууларын кэтээн көрөр сүрдээх интэриэһинэй этэ. Урут били-
гин курдук оҕону аралдьытар интернет, сотовай телефон суоҕа. Онон
мин эмиэ сыыйа баайа саахыматы сатыыр буола улааппытым. Аҕам
саахымат күрэҕэр кыттар быһыылааҕа, миэхэ хайдах оонньообутун
кэпсээбэт этэ.
Оскуолаҕа үөрэнэ сылдьаммын ыалым Киэсэлиин саахымат оон-
ньуур буолан барбытым. Бастаан наар хотторор этим. Онтон сыыйа
сатаан оонньуур буолан иһэрим. Киэсэ сыыһа түһэн эбэтэр уган биэ-
рэрин куутэр этим. Элбэхтик оонньоон син сайдыбытым буолуо. Ча-
раҥ оскуолатыгар үөрэнэ сылдьан 7-с кылааска саахымат куруһуо-
гар сылдьыбытым. Онно сылдьан оскуола оҕолорун оройуоннааҕы
күрэҕэр Тулунаҕа кыттан 11 утарылаһааччыбын барыларын кыайан
1 миэстэ буолбутум. 8-с кылааска 10 утарылаһааччы оҕону барыларын
кыайан эмиэ I миэстэ буолбутум.
Саахымакка сатаан оонньуур буоларбар аҕам оруолу оонньообут
диэн сыаналыыбын. Кини саахыматтыырын көрө улаатан, сыыйа
интэриэһиргээн оонньуур буолбутум. Билигин учууталлар спарта-
киадаларыгар уонна түөлбэнэн күрэххэ куһаҕана суохтук оонньуубун.
Оскуолаҕа саахымат куруһуогун ыытабын.

Николай Васильевич Аммосов,
уола, Г.В. Егоров аатынан Мүру 1 № -дээх оскуолатын физикаҕа
учуутала, РФ иитиигэ уонна уөрэхтээһиҥҥэ бочуоттаах улэһитэ,
С Р уөрэҕириитин туйгуна
Алтынньы 1 кую , 2023 сыл. Бороҕон с.