Page 8 - Мындааба спортсменнара

ындааба спортсменнара

Крылов Роман Андреевич, бастакы ме-
ханизатордартан биирдэстэрэ, бу тэрилтэҕэ
35 үлэлээбит. Уус Алдан улууһун бочуоттаах
олохтооҕо. Сэрии сылларыгар улэтин былаа-
нын 147% толорбут. Ойуунускай тыл эп-
пит ыһыаҕар тустан иккис миэстэ, кыайыы
ыһыаҕар курдаһан ыытыллыбыт ыһыахха
бастаабыт. «Тустар санаам суоҕа, ону Петр
Ивановичтаах дэлби хаайан киллэрбиттэрэ.
Тыаҕа сир хорута сылдьарбыт, саатар биир
күн эрдэ кэлбит буоллар, буолар күнүгэр кэ-
лэн хаалбытым, дэлби сылайбыт курдук этим»
диэн кэпсиирэ. Финалга биир улахан баҕайы
нуучча киһитин кытта хапсаҕайга тустубут,
киһитэ хонноҕун анныттан ылан өрүтэ бы-
раҕаттыыр үһү, өрө көтөҕөр бириэмэтигэр атахха тэбэн охторбут.
Алексеева Елена (Күүстээх Өлөөнө) ити ыһыахха дьахталлар-
га тустан бастаабыт. Конников Гаврил Илларионович ыараханы
көтөҕүүгэ бастаабыт.
Алтыс-сэттис кылааска үөрэнэ сырыттахпына, миигинниин туста
оонньуура. Атахха тэбиилэри (подсечкалары), умса тардыылары оҥо-
рон көрдөрөрө. Туста сылдьан оҥорор этим, аҕам үөрэппит үөрэҕит-
тэн чочуллубут буолуон сөп. Аҕам сэттэ уонун ааспытын кэннэ эмиэ
туһуннубут, «курдаһан тустуох, хапсаҕайга киһи сээкэйин өлөрүөҥ»
диэтэ. Өтүүнэн кур оҥостон сиспитигэр баанныбыт, кур курбутут-
тан тутустубут, «чэ» диэн буолла, саҥардыы анньыһан истэхпитинэ,
бэйэтигэр сыһыары тардан баран түҥнэри тэбэн түһэрдэ уонна «бар-
даҕыҥ тугун кэбирэҕэй» диэн буолла. Иккистээн тустуох диэбиппэр,
«оҕус тириитэ иккистээн сүлүллүбэт» диэбитэ. Хайдах тэптиҥ диэ­
биппэр, сэкириэтин кэпсээтэ, курдарын баайыыта эмиэ сэкириэттээх
эбит. Аҕабынаан хам-түм туста оонньуур этибит. Ситигирдик туһун-
нахпытына, икки өттүттэн дуоһуйууну ыларбыт. Аҕабын биирдэ да
охторботоҕум, эйэ дэмнээхтик тустарбыт. Аҕам Попов Иитээлиин ик-
китэ курдаһан тусталларын көрбүтүм, иккиэннэригэр аҕам кыайбы-
та. Иитээ сааһынан быдан балыс. Аҕам бэйэтин лаппа кыанар киһи
этэ. Тустарыгар, төһө да кырыйдар, чувстволаах, киһи хамсаныытын
ааҕара-суоттуура. Ыһыахтарга ол иһин кыайталыыр, миэстэлэһэр