Page 45 - ОДД Номоххо киирбит буойун

буолбуттара. Муостаны бүтүн хаалларан бэйэлэрэ туһанаары
гыммыт быһыылаахтара. Ону билэн, Оллонов сапердарга
тоҕо тэптэрэр взрывчаткалара суодунан хаһан бадарар бен-
зининэн уоттуурга бэлэм буолалларыгар бирикээстээбитэ.
Самолету бултаһар зенитчиктэр икки бүтүн ордубут зенит-
каларын түүн өрүс уҥа биэрэгэр таһаарарга уонна сирдээди
сыаллары ытыалыырга бэлэмнэнэллэригэр сорудахтаабыта.
Күн ортото түөрт танканы ытар саалаах броневойщиктар бо-
лөхтөрө кэлбитэ. Командир кинилэргэ холбоһоллоругар эп-
питэ. Түүн байыастар позицияларын бөдөргөтүммүттэрэ, кы-
ратык нуктуу түһэн ылбыттара. Халлаан сырдыырын эрэ
кытары өстөөх харса суох артиллерия уотун аһан, самолет-
тара буомбалаан, танкалара, автоматчиктара ыта-ыта кимэн
киириилэрин садалаабыттара. Киһи куйахата ытырбахтыах
дьулаан көстүүтэ это.
— Ыксаамаҥ! Ыкса чугаһаабыттарын кэннэ ьцыҥ! — ко­
мандир Оллонов байыастарыгар бирикээстээбитэ.
100-чэкэ миэтэрэ чугаһаабыттарын кэннэ, күргүөмүнэн
ытыы садаламмыта. Ордук икки уһукка турар станковай пу-
леметтар немец элбэх саллааттарын сууһарбыттара. Өстөөх
икки танкатын уматтаран кимэрэ тохтуу түспүтэ. Оллонов-
тоох сытар кирбиилэрин өстөөх «Юнкере» бомбардировщик-
тара буомбалаабыттара уонна минометтарынан харса суох
ытан тибиирдибиттэрэ. Өстөох үс танката уонна элбэх сатыы
сэриитэ көстүбүтэ. Танкалар сапердар уоттуу охсубут муоста-
ларынан унуор туоруу охсоору дьулуспуттара. Икки кэлин
испит танка броневойщиктарынан табыллан, эргичиҥнии
түһэн тохтоон хаалбыттара. Инники испит танка умайа ту­
рар муостаны унуор туораан тахсыбытын, биир сапер ума-
тыктаах бытыылканан бырадан умаппыта.
Өстөөх кимэн киириитэ төттөрү охсуллубута. Немецтэр
минометтарынан кинилэр сытар кирбиилэрин күргүөмүнэн
ытыалаабыттара.
Биһиги байыастарбыт түүн ортото буолуор диэри өстөөх
хас да атаакатын төттөрү охсубуттара, сэттэ танкатын алдьап-
пыттара. Былдьаһыктаах муоста умайан күүдэпчилэммитэ.
Муостаны көмүскээччилэр кэккэлэрэ түргэнник көдүрээн
барбыта. Миналар табаннар зенитчиктэр, броневойщиктар
ыппат буолбуттара. «Өстөөххө уоту!» — командир Оллонов
өлбүт байыас пулеметун ылан өстөөхтөр кимэн киирэн иһэр
33