Page 90 - ОДД Номоххо киирбит буойун

нүгэр бүппүтэ. Ити күн танкистар Пльзень куорат чугаһыгар
союзниктары кытта көрсүбүттэрэ.
Сэрииттэн тыыннаах ордуу үөрүүтэ, Советскай Армия
офицера буоларынан киэн туттуу. Ахтылҕаннаах Аллан кы-
тылыгар Түүлээххэ баар Оллоновтор балаҕаннара харахха
илэ-бааччы көстөн кэлэр...
Самоходнай артиллерискай установкалары тиэммит эше­
лон илин айаннаан иһэр. Байыаннай эшелон начальнига —
гвардия майора Оллонов. Бастаан Киев чугаһыгар тохтуур-
бут буолуо диэн саллааттар кэпсэтэллэрэ. Суох, поезд Москва
диэки туһаайыыны тутан күннэри-түүннэри барар. Онтон
Урал, Сибиир, Байкал. Дьэ, итиннэ эрэ сэрии бүтэ илигин
чуолкайдык өйдөөбүттэрэ.
Атырдьах ыйын 9 күнэ, 1945 сыл. 6-с гвардейскай тан-
ковай армия, Улахан Хинган хайатын уҥуордаан, Япония
Квантунскай армиятыгар самнарыылаах охсууну оҥорор.
Илин Советскай Армия килбиэннээх кыайыытынан сэрии
бүтэр. Гвардия майора Д.Д. Оллонов Мукден куорат комен-
данынан анаммыта.
Бойобуой офицер 1947 сыллаахха саппааска тахсыбыта.
Кини түөһүн икки Кыһыл Знамя, үс Кыһыл Сулус, Халхин-
Гол кыргыһыыта буолбута 30 сыла туолуутунан сибээстээн
Монголия Народнай Республикатын ордена, 10-тан тахса ме-
даллар киэргэтэллэр.
Коммунист, отставкада тахсыбыт офицер Д.Д. Оллонов
ыччаты байыаннай-патриотическай иитиигэ активнайдык
кыттар.
Соторутаадыта албан ааттаах сэрииһит Дмитрий Данило­
вич Оллонов Советскай Союз Коммунистическай партияты-
гар чилиэнинэн киирбитэ 50 сыла туолуутун биир тэрилтэ-
дэ партийнай учуокка турар табаарыстара — коммунистар
үөрүүлээх быһыыга-майгыга бэлиэтээтилэр. Онно куорат об-
щественноһын бэрэстэбиитэллэрэ кытыннылар. Юбилярга
туһаайан элбэх итии-сылаас тыллар, үтүө баҕарыылар эти-
линнилэр.

70