Page 83 - Untitled

нэ, киириитэ-тахсыыта, ааҕааччыга бэриллиитэ бэйэтэ туһунан бы-
лаан быһыытынан барааччы. Холобур, ааспыт сылга 72592 кинигэни
ааҕааччылар сакаастарынан 10-ча отделга биэрбиппит. Ааҕар саала
ордук элбэхтик биһиги өҥөбүтүнэн туһанар. Ол курдук кинилэр-
гэ ааспыт сылга 30214 кинигэ бэрилиннэ. Техническэй литература
отдела 21736 кинигэни уларса сырытта. Саҥа киирбит кинигэлэр
саалалара 4700 кинигэни ылбыта. Сыллааҕы былааммытын, оннук
биһиэхэ баар, мэлдьи аһара толоробут», — диэн саҕалыыр Анна Сер­
геевна бэйэтин кэпсээнин.
Библиотека туһунан өйдөбүлүм, билиим кыратыттан, хата, бэ-
йэм кыбыһынным. А.С. Полякова кэпсээниттэн кини салайар отдела
библиотека саамай түбүктээх уонна эппиэттээх салаата буоларын
өйдөөтүм. 1974 сыллаахха үлэҕэ киирбит 500000 кинигэҕэ аналлаах
дьиэ кинигэ элбии турар фондатын хайа сахха батарбат буолбут.
Дьэ, онтон саҕалаан кинигэ фондатын көдьүүстээхтик туруортаа-
һын, батарыы — биир сытыы проблемаҕа кубулуйбут. Мин манна
библиотечнай дьыалаҕа государство сыһыанын көрөбүн. Ону биб-
лиотекалар бүгүҥҥү туруктара, кинилэр элбэҕэ суох штаттара, то-
лорор үлэлэригэр холоотоххо дуона суох хамнастара чаҕылхайдык
көрдөрөллөр. Оттон аналлаах литератураны көрдөххө, атын дойду-
ларга маныаха сыһыан олох атын эбит. Өссө чуолкайдаатахха, ки-
һиэхэ сыһыан төрүтэ буолбут культурнай политикаҕа государство
бэйэтэ кыһанар. Биһиэхэ да оннук сыһыан, кыһамньы баар буолуо-
ҕар баҕа баһаам.
А.С. Поляковаолоҕун кэрчигиттэн: кини сыратынан.уһун кэмнээх
дьаныардаах үлэтинэн, уһулуччулаах уратытынан Национальнай
библиотека фондалара — саха литературата, хотугу норуоттар уонна
кыраай туһунан литература — биллэрдик байытыллыбыт уонна он-
нунан хаалларыллыбыт.
Кини библиотека фондаларын толорууга сүрүн болҕомтотун
уурар. Республика оройуоннарынан, Москва, Санкт-Петербург, Ка­
зань куораттарынан краеведческай отдел сэбиэдиссэйэ В.Н. Павло-
ваны кытта экспедицияларга сылдьан, сахалыы уонна хотугу сир
аҕыйах ахсааннаах норуоттарын тылынан тахсыбыт сэдэх уонна
сыаналаах литератураны, революция иннинээҕи уонна латынныы
алфавитынан бэчээттэммит кинигэлэри булан аҕалбыт. Анна Сер­
геевна салалтатынан уонна быһаччы кыттыытынан кинигэни ха-
райар отделга сэдэх кинигэлэр сектордара баар буолбут.
«1995 сыллаахха ааҕааччылартан 90912 кинигэҕэ сакаас оҥоһул-
лубутуттан 18 тыһыынчатыгар аккаастаан турабыт. Ол көрдүүр,