Page 108 - Өрүкүйэр сүрэҕэ өрүү инники. (Голиков Николай Леонидовичка ананар)

бытым. Испэр уопсай түмүгүнэн бырааппын бастакы оҥорор кистэлэҥ баҕа санаалаах буолан, Арсен-
тан: «Соруйан хотторон биэрэбин дуо?» - диэн ыйыппытым. Онуоха киһим сүрдээх куускэ: «Суох!»
- диэн хардарбыта. Бырааппын хапсаҕайга үөһэ көтөҕөн ылан бырахпытым, онон кыайбытым. Аны
бастакы миэстэни былдьаһыыга Данилаҕа түбэстим. Киһим атаҕын сыыһа туттан, бэйэтэ охтон хаал-
быта. Ол курдук хапсаҕайга бастаабытым. Бүтэһик түһүмэх - таас көтөҕүүтэ. Ыһыах буолуон иннинэ
мин ити тааһы чэпчэкитик көтөҕөр этим.Атын уолаттар өндөппөттөр да этэ, арааһа, эчэйимээри буо-
луо. Бастакынан мин барбытым, кыратык ыраатан баран,тааспын бырахпытын. Ыһыах уопсай түмүгү-
нэн, «Эрдьигэн Боотур» күрэхтэһии кыайыылааҕынан быраатым Константинов Арсен буолбута, иккис
миэстэни Харитонов Данила ылбыта.үһүс мин буолбутум. Уолаттар наһаа үөрбүппүт, астыммыппыт.
Күрэхтэһии бириистэрэ олус үчүгэй, сыаналаах этилэр. «Эрдьигэн Боотур» күрэхтэһии Коля ааты-
нан мээнэ ааттаммата.тоҕо диэтэххэ, кини оскуолаҕа үөрэнэр эрдэҕинэ сүрдээх күүстээхдиэн өйдүү-
бүн, бэйэтин наһаа кыанар дьиҥнээх мадьыны, эр хоһуун этэ.
Хорсун буойун, спортсмен, эрэллээх доҕор Николай Голиков албан аатын ааттатан, «Эрдьигэн Боо­
тур» күрэхтэһии салҕанан бара турарыгар баҕарабын.
Эрсан Константинов.

Былырыын «Эрдьигэн Боотур» күрэхтэһиигэ кыттыбытым. Онно кыттаары утумнаахтык дьарык-
таммытым. 7 буолан күрэхтэспиппит, бары бэркэ кыттыбыппыт. Бириистэрэ барыта олус сыаналаах
этилэр. Мин 4 миэстэ буолбуппар төлөпүөн биэрбиттэрэ. Оо, онно наһаа үөрбүтүм. Тэрийээччилэргэ,
спонсордарга ис дууһабыттан махтанабын!
Колялыын сылдьар кэммит наһаа үчүгэй этэ, спортзалга бииргэ дьарыктанарбыт. Куруук күлэ-үөрэ
сылдьааччыбыт. Кыра эрдэхпиттэн Коляны убаастыырым, кини курдук буолуохпун баҕарарым. Мин
саныахпар, Николай Голиков ыччакка бары өттүнэн холобур буолар бастыҥ ыччаппыт этэ.
Вася Румянцев.

Ити курдук оҕолорго аналлаах «Эрдьигэн Боотур» күрэхтэһии бэрт сэргэхтик, үрдүк таһымнаах-
тык ааспыта. Ыһыах дьоно бары астыммыта, дуоһуйбута. Николай Голиков аатынан ыытыллар буолан,
оҕолор олус эппиэтинэстээхтик сыһыаннаһан кыттыбыттара. Оҕо-аймах холобур оҥосторо, Коляны
хайдах курдук убаастыыра бу күрэхтэһиигэ чаҕылхайдык көстүбүтэ.
Агата Александровна Тегюрюкова.
2024 с.
т
т
т