Page 50 - Өрүкүйэр сүрэҕэ өрүү инники. (Голиков Николай Леонидовичка ананар)

ааҕаарыҥ», - диэбитэ. Ити кур-
дук Коля кылааһын оҕолоругар,
бэйэтэ да билбэтинэн, көмө-
лөһө сылдьыбыт.
Аны 11 кылааска эксээмэн
бэлэмигэр отой сылдьыбатын
иһин, Коляны кылаас сала-
йааччытыгар, төрөппүттэригэр
элбэхтэ үҥсүллүбүтэ. Ол кини
бэйэтигэр эрэллээҕин бэлиэтэ
буоларын ол да кэмҥэ өйдүүр
этибит: «Син биир туттарыаҕа,
ол эрээри үрдүк баалга тутта-
рыа этэ буоллаҕа дии», - дэһэрбит. Мөҕүлүннэҕинэ даҕаны, утары тылласпат этэ, буруйдааҕын би-
линэн, мүчүк гынан эрэ кэбиһэрэ...
Дьиэҕэ үлэҕэ хоһоону өйтөн ааҕыыны биэрдэххэ, олус түргэнник үөрэтэн, ол сорудахтан босхоло-
но охсоро. Сороҕор оҕолор бары этэн бүтүүлэригэр, кини үөрэтэ охсон, эппиэттиир буолара. Колябыт
барахсан барыбытын элбэххэ да үөрэтэн бардаҕа...
Анна Ивановна Тарабукина.
нуучча тылын уонна литературатын учуутала,
РФ үөрэҕириитин уонна иитиитин бочуоттаах үлэһитэ,
СӨ үөрэҕириитин туйгуна. 2023 с.

ҮӨРЭНЭЭЧЧИМ ТУҺУНАН
-4* — ❖ — ❖ -

Коля информатикаҕа дьарыктанарбытыгар олох кэлбэтэ, ол иһин кыыһы-
рар этим. Онон соҕотохтуу ыҥыран кэпсэттим, онуоха Коля: «Эксээмэн чуга-
һаатаҕына, бэлэмнэниигэ кэлиэм, хайаан да туттарыам. Наталья Дмитриевна,
бука диэн, санаарҕаама уонна кыыһырыма, «3» сыананы ылыаҕым», - диэ­
битэ. Бэлэмнэниигэ кэлэн баран, быһаарарбын тута өйдөөбүтэ. Эксээмэнигэр
«4» сыана буолуоҕун бэрт кыра баал тиийбэккэ хаалбыта. Онно эрэ Коля эрдэ
бэлэмнэммэтэҕэр кэмсиммитин билиммитэ.
Арай биир күн тэлгэһэбит таһыгар уулуссаҕа хаалбыт ДТ тыраахтар кор-
реткатын кэргэмминээн олбуор иһигэр киллэрээри сыһа-соһо сырыттахпы-
тына, Коля кэлэн иһэр этэ. «Мин көмөлөһөбүн дуо?» - диэтэ уонна соҕотоҕун
корретканы киллэрдэ, бу аллаах күүһүн. Коля оччолорго 7 кылаас үөрэнээччитэ этэ. Ол корретканы