Page 57 - Өрүкүйэр сүрэҕэ өрүү инники. (Голиков Николай Леонидовичка ананар)
P. 57
11 кылааска үөрэнэ сылдьан, Саҥа дьылга Коля Гарри Поттерга баар эльф буолбута. Мааската,
эчи, үчүгэйиин! Эльф улахан кулгааҕа, таҥаһа... оннооҕор улахан атах таҥаһа оҥостубут, онтуката,
кыһытыаҕын иһин түүлээх ээ! Коля сценаҕа тахсаары, кулиса кэтэҕэр наһаа долгуйан турара харах-
пар билигин даҕаны көстөргө дылы...
Учуутал күнүгэр кылааһынан бэлэхтээбит сибэккилэрин дьөрбөтүн тутан, хаартыскаҕа түһээри
турдахпына, Коля бастакы бэйэлэрин тэрээһиннэрэ наһаа үчүгэйдик табыллыбытыттан хайҕабыл бө-
ҕөтүн тутан, үөрэн аҕай сүүрэн киирэн, бииргэ түһүспүттээх.
Лена Витальевна Рафаилова.
физика учуутала.
ЧӨМПҮЙҮӨНҮМ,ҮӨРЭНЭЭЧЧИМ...
• — 4* — 4* — 4>--------- •
Найахы орто оскуолатыгар 2018-19 үөрэх дьылыгар тириэньэрдиир кэм-
мэр Коля Голиков миэхэ эрчиллибитэ. Ол курдук мини-футболга бэйэтин саас-
тыылаахтарыгар улуус чөмпүйүөнэ буолбута. Кини бэйэтин олус кыанара,
онон дэгиттэр спортсмен буолуон сөп этэ. Ханнык баҕарар көрүҥҥэ сыста-
ҕаһа.2019 сылга сайын оҕолор спартакиадаларыгар Мүрүгэ уһуну ыстаныыга
5 м 65 см түһэн, улууска бастаабыта. Тириэньэрдээбитим тухары ыстаныыга
Найахы оҕолоруттан улууска биир да оҕо бастыы илик этэ. V
«Олимпийские надежды Якутии» спартакиадаҕа улууһун чиэһин көмүскээ-
битэ. Бороҕоҥҥо сборданан, астынан аҕай кэлбитэ. Хамаандатыгар зачетнай
очко биэрэн, санаата көтөҕүллэн, салгыы Бэйдиҥэҕэ спортивнай оскуолаҕа
үөрэнэ барбыта.
