Page 13 - Олох туһугар.1941-1945 сс. Аҕа дойдуну Көмүскүүр Улуу сэрии кыттыылаахтара. Лөгөй сирин уолаттарын ахтыылара

^^^^^^^^х^о^х^оо^ххх^ооооооооооооооооооооооооооооооооооооо^^
«Кыһыл Сулус», «Бочуот знага» орденнар, «Бойобуой үтүөлэрин
иһин», «Үтүөлээх партизан» мэтээллэр биһиги совхозпут маҥнайгы
хорсун летчигын көрдөрөллөр, биһиги кининэн киэн туттабыт.
Комсомольскай үлэһит Иван Иванович Бурнашев Намҥа су-
дьуйанан үлэлиир быраатыныын Николай Ивановичтыын бар-
быттара, убайа сэрииттэн төннүбэтэҕэ. Старшай лейтенант рота
политруга Иван Иванович Бурнашев 1944 с. от ыйын 11 күнүгэр
Калининскай уобалаһын Опочинскай оройуонугар Щукино дэриэ-
бинэни босхолооһуҥҥа бааһырбыт командиры солбуйан ротатын
илдьэ сылдьыбыта. Хорсун командир аҕа дойду сэриитин 2-с степен-
нээх орденынан наҕараадаламмыта. Латвияҕа улаханнык бааһыран
госпиталтан 39-с армияҕа кэлбитэ, 1945 с. тохсунньу 19 күнүгэр
Краковы босхолоспута, онтон Силезиянан, Одеры туораан Опельн
тоҕойугар өстөөх бөдөҥ бөлөҕүн төгүрүйэн урусхаллаабыттар, Судет
хайатын ойуурдарыгар ыһыллыбыт өстөөхтөрү билиэн ылбыттара,
манна старшай лейтенант, политрук И.И. Бурнашев «Кыһыл Су-
лус» орденынан наҕараадаламмыта. Сэрии бүтүүтэ Чехославакияҕа
генерал Шернер бэриммэтэх чаастарын билиэн ылаттаабыттара.
Кини дойдутугар кэлэн партия РК-гар, агитатор блокнотугар үлэлии сылдьан сэриигэ ылбыт бааһырыытыттан
сылтаан 1972 с. Дьокуускайга өлбүтэ.
Бырааттыы Кирилл, Лазарь Бурнашевтартан Кирилл «Слава» орденнаах кэлбитэ, онтон Лазарь Иванович
110 стр. дивизия 1283-полкатыгар Смоленскайга кимэн киирии кыайтарыытын да, кыайыытын да кыттыылааҕа
аҥар илиитин, Кирилл аҥар атаҕын былдьатан кэлбиттэрэ уонна хааннарын тохпут, мүһэлэрин сүтэрбит олор-
бут олохторун ситэ олорбокко сэрии содулуттан эрдэ биһиги кэккэбититтэн туораабыттара.
Семен Иннокентьевич Иванов 1 Сталинград иһин кыргыһыыга «Хорсунун иһин», «Сталинград оборонатын
иһин» мэтээллэринэн наҕараадалардаах сэрииттэн эргиллибэтэҕэ.
Иннокентий Николаевич Копырин 1939 с. финскэй фроҥҥа тылланан бара сылдьыбыта. 1941 с. аҕа дой-
ду сэриитигэр баран П-Ш-с Украинскай фроннарга зенитнай артполкаҕа зенитчигынан, связиһынан сулуу-
спалаабыта. Бобурускай иһин кыргыһыыга «Хорсунун иһин», Илиҥҥи Персияҕа, Висланы туораан Польша-
ны босхолооһуҥҥа «Бойобуой үтүөлэрин иһин» мэтээллэринэн наҕараадаламмыта, Кыайыы күнүн Берлин
таһыгар көрсүбүтэ, дойдутугар этэҥҥэ эргиллибитэ.
Михаил Васильевич Лукачевскай Прибалтийскай государстволары босхолооһуҥҥа «Кыһыл Сулус»
орденнааҕа, «Хорсунун иһин» мэтээллээҕэ.
Биэс сыл сэриилэспит «Кыһыл Сулус» орденнаах хорсун пулеметчик Егор Иннокентьевич Атласов сэриит-
тэн ыараханнык бааһыран кэлэн дойдутугар өлбүтэ.
Аҕа дойду сэриитин П-с степеннээх орденнаах Василий Михайлович Пермяков аҥар атаҕын былдьатан кэ-
лэн дойдутугар өлбүтэ.
Биһиги биир дойдулаахпыт гв. лейтенант Константин Кузьмич Прудецкай Озолл дэриэбинэ босхолооһуҥҥа
43-с латышскай дивизияҕа взвод командира, Аҕа дойду сэриитин И-с степеннээх орденынан наҕараадаламмыта.

12