Page 16 - Сэрии инники күөнүгэр

Ыстатыйаны толору кэпсии барбакка манныгы бэлиэтиэм этэ:
ыраах Анаабыр үтүө санаалаах кырдьаҕас, эдэр олохтоохторо
оройуоннарын бастакы партийнай салайааччыларын, Саха АССР
Верховнай Советыгар бастакы депутатын, оройуоҥҥа үлэлии оло-
рон сэриигэ баран өлбүт соҕотох буойуннарын олус кэриэстиил-
лэр, олоҕун, үлэтин туһунан ыччаттарга, эдэрдэргэ тиэрдэллэр
эбит. Бу олус хайҕаллаах.
Николай Семенович Анаабыртан Москваҕа үөрэнэ барарыгар
кэргэнин, кыракый уолчаанын, аҕатын Сааскылаахха хаалларбыт
— онон манна эргиллэн кэлэн үлэлиир санаалаах эбит дииллэр.
Аҕалара сэрии хонуутугар өлбүтүн истэн баран, сотору кэргэнэ,
Өлүөхүмэттэн төрүттээх Солдатова, эмиэ күн сириттэн барбыт.
Ону истээт Вячеслав диэн ааттаах уолчаан эбэтэ — булчут, та-
баһыт, күүстээх-уохтаах дьахтар Өлүөхүмэгтэн сыыдам табалары-
нан кэлэн Сааскылаахтан кыракый сиэнин Якутскайга аҕалан
фельдшеринэн үлэлиир балтыгар Е.Г. Солдатоваҕа ииттэрэ хаал-
ларбыт. Елизавета Григорьевна бу тулаайах оҕону киһи оҥороору
кэргэн да тахсыбатаҕа, Москватааҕы медицинскэй институту бүтэ-
рэн кэлин Саха АССР үтүөлээх враһа буолбута диэн суруйаллар.
Бу үөһэ ахтыллыбыт ыстатыйа Якутскайга олорор, үлэлиир
врач Дмитрий Николаевич Бугаев кэпсээнигэр олоҕуран суруллу-
бут. Ол эмиэ төрүөттээх, Н.С. Горохов уола Вячеслав Якугскай-
дааҕы тыа хаһаайыстыбатын техникумугар үөрэнэн лесник идэтин
ылбыт, Мэҥэ Хаҥалас Төҥүлүтүттэн төрүттээх М.П. Бугаеваны
кэргэн ылан онно олорбуттар, үлэлээбиттэр. Дьоно "сэриигэ өлбүт
герой уола биһиэхэ күтүөт буолан тахсыбыг" диэн кэпсииллэрэ
үһү. Гороховтар үс оҕоломмуттар, Вячеслав 2 уолун илдьэ ийэтин
дойдутугар баран олохсуйбут, ийэлэрэ кыыһынаан билигин Якутс-
кайга бааллар, үлэлииллэр.
Онон Саха АССР бастакы ын ырыылаах Верховнай Советын
депутата, партия Анаабырдааҕы райкомун бастакы секретара, де-
путаттартан, мин суоттуурбунан, сэрии хонуутугар бастакынан
өстөөх буулдьатыттан охтубут коммунист, патриот, батальоннай
комиссар Н.С. Горохов уолун, кини кэргэнин, ыччаттарын
туһунан биир дойдулаахтара, уус алданнар, киһи-хара буолбут
Анаабырын дьоно өссө сиһилии үөрэтиэхтэрэ, билиэхтэрэ-
көрүөхтэрэ диэн эрэнэбин.
Дмитрий ПУХОВ,
ССРС журналистарын союһун чилиэнэ