Page 37 - Сэрии инники күөнүгэр

Тулунаҕа сылдьан мин тоҕо эрэ бу Николай диэн эдэркээн тыа
уола 20 саастааҕар — өссө 1933 сыллаахха бэйэтэ баҕа өттүнэн ба-
ран Ленинградтааҕы байыаннай уокурук бронетанковай оскуола-
тыгар үөрэнэ киирбитин сөҕө санаабытым. Дьиэбэр, Якутскайга
кэлээт, "Офицеры-якутяне" диэн кинигэттэн ааҕан кини бойобуой
суолун туһунан кылгастык билсибитим уонна туох ханнык инни-
нэ атын бойобуой орденнарын таһынан "Партизан Отечественной
войны" I степени мэтээлинэн наҕараадаламмытын сөҕө санаабы-
тым. Уонна Саха сириттэн, Уус Алдан оройуонуттан маннык сэ-
дэх бойобуой наҕараадалаах сэрииһит баара дуу дии саныыбын.
Ити идэтийбит журналист үгэһэ, баҕар, мин ким-хайа иннинэ
билбитим-көрбүтүм буолаарай дии саныыгын. Ол санаабар биир
бастакы бигэргэтиини иһиттим. Соторутааҕыта Уус Алдан Бо-
роҕонугар Олоҥхо ыһыаҕар тахса сылдьан тыһыынчанан баай экс-
понаттардаах, идэтийбит үлэһиттэр быһыытынан сатабыллаахтык
таҥан оҥоһуллубут саалалардаах оройуоннааҕы музей директора
Зоя Михайловна Белолюбская оройуонтан сэриигэ кыттыбыттар
тустарынан кэпсииригэр Н.Е. Сыромятников хааргыскатын диэки
ыйа-ыйа: "Николай Егорович, биһиги билэрбитинэн, "Партизан
Отечественной войны I степени" диэн үрдүк наҕараадалаах Уус
Алдантан соҕотох киһи", — диэтэ.
Николай Егорович бойобуой байыаннай суолугар, олоҕор
төнүннэххэ маннык. Икки сыл бронетанковай оскуолаҕа үөрэнэн
баран, киһибит сиринэн сылдьары "мыынан", Еражданскай авиа-
ция Ленинградтааҕы авиационнай техникумун бүтэрэр. Сэрии ба-
ра турдаҕына 1942 с. Н.Е. Сыромятниковы Ташкент куораттааҕы
көтүү маастарыстыбатын баһьшыыр курсу бүтэрэрин кытта авиа-
транспортнай дивизияҕа бортмеханигынан ананан сэрии саамай
умайар уотугар киирэр.
Дьэ түүннэри-күнүстэри көтүү саҕаланар. Кинилэр бастакы
нүөмэрдээх авиатранспортнай дивизияларыгар блокадаҕа түбэһэн
сэриилэһэ, охсуһа сылдьар улуу Ленинград олохтоохторугар аһы-
үөлү, эми, туох баар наадалааҕы ханнык баҕарар күчүмэҕэйдэри
туораан тириэрдии, оҕолору, дьахталлары, ыарыһахтары, бааһыр-
быттары куораттан таһаарыы бойобуой соруга сүктэриллибитэ.
Биһиги кынаттаах хотойдорбут сүүһүнэн дьон тыыннарын
быыһаабыттара — кинилэр ортолоругар саха хорсун уола Николай
Сыромятников баара.