Page 94 - Сэрии кэмин оҕолоро 1 кинигэ

БОРОВОН нэһилиэгэ
Турантаева ( Чечебутова) Анна Дмитриевна

Мин Мэҥэ Хаҥалас Тараҕай нэһилиэгэр Уол Табаҕаҕа 1931
сыллаахха атырдьах ыйын 15 күнүгэр балай да саастаах дьон-
тон төрөөбүтүм. 1939 с. маҥнайгы кылааска үөрэнэ киирби-
тим. 13-с сааспыттан холкуоска от мунньан, оҕус сиэтэн, о.д.а.
үлэҕэ барытыгар үлэлээбитим. Оскуолаҕа үөрэнэр кэммэр ти-
муровскай хамаанда тэрийэн фронтовиктар кэргэннэригэр,
кыаммат ыатларга мас эрбээн, муус тиэйэн араас элбэх үлэлэри
толорорбут. Мин, кэлин төгүрүк тулаайах хаалан, интэринээт
баар буолан, 7-тэ кылааһы үөрэнэн бүтэрбитим. 1953 сылтан
3 сыл үөрэнэн библиотекарь үөрэҕин бүтэрбитим. 1956 с. кэр-
гэннэнэн, эмиэ да оҕо төрөтөн олорбутум. 1963 с. Кэптэнигэ
детсад аһыллыбытыгар иитээччинэн үлэлээбитим. Онтон кэр-
гэним үлэтинэн Тумулга көспүппүт. Мин бастаан оскуола библиотекатыгар үлэлээби-
тим, онтон 50 миэстэлээх детсад аһыллыбытыгар кыра оҕолору иитээччинэн балай да
уһуннук үлэлээн, 60 сааспар пенсияҕа тахсыбытым.

Ханчаева (Титова) Варвара Гаврильевна

Мин 1940 сыллаахха олунньу ыйга I Суотту нэһилиэгэр
төрөөбүтүм. Аҕам Титов Гаврил Семенович, ийэм Оллонова
Ирина Данилова диэннэр. Аҕам 1941 сыллаахха бастакы хомуур-
га Аҕа дойду сэриитигэр ыҥырыллан, мин 1,5 саастаахпар бар-
быт уонна эргиллибэтэх, онон аҕа таптала диэни билбэтэҕим.
1959 сыллаахха Бүлүүттэн төрүттээх Ханчаев Василий Филип-
повичка кэргэн тахсан, 4-тэ оҕоломмутум: үс кыыс, биир уол.
1965 сыллаахха Ала Соболооххо арыы собуотугар оробуоча-
йынан үлэҕэ киирбитим, 1968 сыллаахха собуот Тумулга көһөн
кэлэн онно салгыы үлэлээбитим, 1986-1990 сс. пенсияҕа тах-
сыахпар диэри интэринээккэ үлэлээбитим.
Нэһилиэккэ, улууска ыытыллар культурнай мероприятие-
ларга, түөлбэ үлэтигэр активнайдык кыттарым, ырыа куонкурустарыгар элбэх сити-
һиилэрдээхпин.
8 сиэннээхпин, 5 хос сиэннээхпин.

90