Page 102 - Сэрии сылын о5олоро - Дүпсүн оскуолатыгар

8-с кылаас кэнниттэн оскуолаттан уурайан колхоһугар үлэлии сылдьан, ийэ
дойдутугар иэһин төлүү 1965 с. Коми АССР Сырсырдарскай горнизоҥҥа тиийэн
сулууспалыы сылдьан контузияланан, инбэлиит буолан 1966 с. дойдутутар
төннүбүтэ. Бүтэһик суругар дьонугар суруйбут: «Мин алта ыйга кистэлэҥ чааска
барабын, онон пока суругу ыытыман»- диэн. 1971 с. ийэтигэр, тапталлаах
эдьиийигэр Екатерина Николаевна Федороваҕа, табаарыстарыгар оспот бааһы
хаалларан, олох дьолун билбэккэ бу орто дойдуттан эдэр сааһыгар барбыта.

Федорова Анна Семеновна - 1944 с. Уус-Алдан оройуонун Дүпсүн
нэһилиэгэр ыам ыйын 23 күнүгэр Новогодина Прасковья Петровна, Федоров
Семен Васильевич дьиэ кэргэнигэр үһүс оҕонон төрөөбүтэ. Ити сыл ыйдарынан
быысаһан Дабаадымаҕа хас да ыалга оҕо төрөөбүтэ. Ол курдук, Соловьев
Дьөгүөрдээххэ (Сүүрүк Дьөгүөр) игирэ уолаттар Ванялар, Новогодин
Уйбааннаахха — Лаврентий төрүүллэр. Оччотооҕуга таҥас-сап, ас-үөл
кырыымчык кэмигэр эргэ таҥаһы көтүрэн, сууйан-самсаан оҕо суута гыналлара.
Игирэлэр үүт-үкчү буолан дьон сатаан араарбакка күлсэллэрин, Лаврентий
игэҕэс төрөөн, эбэтэ Ааныка барахсан куобах тириитигэр суулаан, оһох таһыгар
сылааска тутан, бүөбэйдээн киһи-хара гыммыта. Ийэбит Анна Семеновна оҕо
сааһа Тэбиигинэн, Эрбэһининэн ааспыта, улаханнык ыалдьан үөрэммэккэ
хаалбыта. Оҕотук сааһыттан холкуоска сүөһү көрбүтэ, уһуннук
ыанньыксытынан, үүт тутааччынан үлэлээбитэ. Оччотооҕу кэмҥэ ыччат
бырааһынньыктары өрүү бэлиэтиирэ, Саҥа дьылы кэнсиэрдээх, сиидэс баатын,
күөх Маайы көтүппэккэ ылаллара. Быыбарга оонньоон-көрүлээн, үргүлдьү
үлэҕэ тахсаллара. Ийэбит олоххо көхтөөх буолан барытыгар сылдьара, атын
бөһүөлэктэргэ кэнсиэрдии диэн тиийэрэ. 1973 сыллаахха аҕабытыныын Данилов
Иннокентий Иннокентьевичтыын ыал буолан Кэптэнигэ олохсуйбуттара.
Аҕабыт холкуос, совхоз туруу үлэһитэ — тракторист, дойду экэниэмикэтэ
сайдарыгар кырата суох кылааты киллэрсэн, элбэх наҕараадаларынан
бэлиэтэммитэ. Ийэбит оскуолаҕа, сибээс отделениетыгар тех үлэһитинэн
сылдьан пенсияҕа тахсыбыта, үлэ ветерана. Кэлин түүлээх таҥас муодата олоххо
киирэн, Кэптэнигэ элбэх киһиэхэ сон, бэргэһэ, унтуу тигэн, дьон махталын
ылбыта. Айылҕаттан бэриллибит дьоҕура оҕолоругар оскуолаҕа араас күрэхтэргэ
кытталларыгар, таҥнар таҥастарын буларга, тигэргэ элбэхтик абыраабыта. Төһө
да оҕо сааһыттан ыарытыган буоллар олоххо тардыһыытын күүһүнэн түөлбэҕэ,
нэһилиэккэ ыытыллар күрэхтэһиилэргэ аҥаар кырыы кыттан иһэрин сөбүлүүр.

Бурцева (Гуляева) Мария Тимофеевна - 1944 с. Найахыга төрөөбүтэ.
Кини Дүпсүн оскуолатыгар үөрэнэр кэмигэр эдьиийэ Варвара Гуляева 8, 9, 10
кылааска үөрэнэн орто оскуола выпускницата буолбута. Эдьиийэ оскуоланы
бүтэрбитин кэннэ Маша Найахыга, Өспөххө үөрэммит. Эдэр сааһыгар Бурцев
Михаил Афанасьевичка кэргэн тахсан 4 оҕону төрөтөн, сиэннэнэн Бороҕоҥҥо
олорор. Мария оҕолорун көрө-көрө тэрилтэлэргэ повардаан, уборщицатаан
билигин сиэннэрин көрөр истэр.

Гоголев Чойбалсан Акимовии - 1944 с. Булун оройуонугар төрөөбүт.
1959-1960 үөрэх дьылыгар Абый оройуонуттан кэлэн Дүпсүн оскуолатыгар
алтыс. сэттис кылааска үөрэммитэ, үөрэнэр кэмигэр интернакка олорбута. Бэрт
холку майгылаах, бэйэ-бэйэтигэр сылдьар, биллэ-көстө сатаабат сэмэй оҕо этэ.
Сэттиһи бүтэрэн баран Бороҕоҥҥо барбыта. Уус-Алдан Нам улууһун кытта
холбоһон Среднеленскэй буолбутугар Намна барбыта. Онно тэрилтэлэргэ
үлэлии сылдьан улуус уонна республика хаһыаттарыгар обгцественнай
корреспондент быһыьггынан араас темаҕа ыстатыйалары суруйан таһаартарара.
Кини олоҕун ыччаттара салгыыллар.

100