Page 108 - Сэрии сылын о5олоро - Дүпсүн оскуолатыгар

Румянцев Ллексей Михайлович - 1945 с. Уус-Алдан оройуонугар Найахы
нэһилиэгэр төрөөбүтэ. 1952-53 үөрэх дьылларыгар Найахы орто оскуолатыгар
үөрэнэ киирбитэ. Дүпсүн оскуолатыгар Баатаҕай оскуолатыттан кэлэн
үөрэммитэ. Ахсыс-тохсус кылааска үөрэнэн баран оскуолаттан уурайбьгга, эдэр
сааһыгар кэргэннэн Найахыга олохсуйбута. Холкуоска, совхозка
механизаторынан үтүө суобастаахтык үлэлээбитэ: суоппар, тракторист,
комбайнер идэлэри баһылаан, бастыҥнар кэккэлэригэр сылдьыбыта,
механигынан таһаарыылаахтык үлэлээбитэ. Кини ситэ олорботох олоҕун
кэннигэр хаалларбыт ыччаттара салгыыллар.

Стручков Иннокентий Иннокснтьевич - 1945 с. муус
устар 22 күнүгэр Дүпсүҥҥэ төрөөбүт.
Дүпсүн өскуолатын начальнай кылааһын үөрэнэн бүтэрэн
баран үөрэхтэн тохтообут. 14 сааһыттан «Октябрь» колхоз
Остуойкатааҕы биригээдэтигэр хонуу үлэһитинэн үлэтин
саҕалаабыг. 1965-1968 сылларга Советскай армияҕа
сулууспалаабыта. 1968 сылтан «Октябрь» колхозка, «Дүпсүн»
совхозка араас үлэлэргэ сылдьыбыта. 1978 сыллаахтан кыһынын
ыччат сүөһүнү көрүүгэ, сайынын Чымыраайы үрэххэ субай
сүөһү көрүүгэ бостуугунан 15 сыл үтүө суобастаахтык үлэлээбитэ. Үчүгэй
үлэтин иһин 1986 сыллаахха грамотанан, путевканан наҕараадаламмыта,
Москва-Ленинград куораттарынан күүлэйдээн кэлбитэ. 1993 сыллаахтан
дьоннорун, аймахтарын кытта бааһынай хаһаайыстыба тэрийэн үлэлии сылдьан
2012 сыллаахха күһүн ыалдьан өлбүтэ.

Троева (Сивцева) Вера Иннокентьевна - 1944 с. Уус-Алдан
Баатаҕайыгар төрөөбүтэ. Дүпсүн оскуолатыгар 9 кылааска 1965 с. выпустарын
кыгта үөрэнэ сылдьыбыта. СГУ филологическай факультетын саха тылын уонна
литературатын отделениетын бүтэрбитэ. Баатаҕайга оскуолатыгар үлэл иир.
Баатаҕай оскуолатыгар «Кылыһах» фольклорнай куруһуогу салайан
республикаҕа ыытыллар күрэхгэргэ өрүү инники күөҥҥэ сылдьаллар, лауреат,
дипломант аатын элбэхгик ылбыттара, Москваҕа, кыраныысса таһыгар
ыытыллар фестивалларга кыттан кыайыы үөрүүтүн билэн кэлэллэр.
Республикаҕа ыытыллар олоҥхо декадатыгар сыллата кытталлар, дойдуларыгар
ситиһиилээх төннөллөр.
РСФСР үөрэҕириитин туйгуна, СР үөрэҕириитин үтүөлээх учуутала,
Учууталлар учууталлара, Баатаҕай нэһилиэгин бочуоттаахолохтооҕо.

Скачковская (Гоголева) Галина Харлампьевна - 1945 с. сэтинньи 11
күнүгэр Уус-Алдаҥҥа төрөөбүтэ. Ийэтэ Стрекаловская Евдокия Ивановна
Дүпсүн балыыһатыгар сиэстэрэнэн үлэлээбитэ. Галя 1953-1954 үөрэх дьылыгар
Дүпсүн оскуолатыгар «0» кылааска үөрэммитэ, бастакы учуутала Сивцева
Евдокия Максимовна. Хойуу кыламаннаах, хап-харанан чоҕулуччу көрбүт, кыра
унуохтаах, сүрдээх сэмэй кыысчаан этэ. Дьоно атын сиргэ көһөннөр,
начаалынай кылаастан барбыта. Кэлин улаатан Дьокуускайга кооперативнай
техникумҥа продавец үөрэҕэр үөрэнэр. Муома улууһугар тиийэн детсадка
пенсияҕа тахсыар диэри үлэлээбит. 2005 с. олунньу 23 күнүгэр күн сириттэн
бараахтаабыта.
Олоҕун оҕолоро, сиэннэрэ салгыыллар.

Сивцева Наталья Ивановна - 1942 с. Уус-Алдан оройуонун
Чэриктэйигэр төрөөбүтэ. Бастаан Чэриктэй оскуолатыгар үөрэнэр, онтон
начаалынай кылааска салгыы Дүпсүн орто оскуолатыгар үөрэнэ кэлэр. Кинини
Евдокия Максимовна Сивцева үөрэтэр. Наташа оҕо эрдэҕиттэн ыарыһах буолан
оскуолаттан эрдэ уурайаахтаабыта.

106