Page 58 - Сэрии сылын о5олоро - Дүпсүн оскуолатыгар

Учууталларбыт барахсаттар

Анна Андреева

Дьыл хонук дииллэрэ кырдьык... Билигин төһө да сааһырдарбыт, сэттэ
уоммутун аастарбыт, баттахпыт маҥхайан, «Үлэ бэтэрээнэ» диэн эбиискэ
ааттаннарбыт да маҥнайгы учууталларбытын хаһан да умнубакка өйдүу-
саныы сылдьабыт. Кинилэр намыын, холку куоластарын чуумпуга истэргэ дылы
буолабыт. Быһыылара-таһаалара, тутта-хапта сылдьаллара харахпытыгар
көстөргө дылылар. Хас биирдии киһи уөрэҕин, олоҕун, улэтин унньуктаах уһун
суолун аан бастакы учуутала ыйар. Өркөн өй, улахан уөрэх, наука баҕарбыт эрэ
барыта кыайан арыйбат халҕанын маҥнайгы учуутал эрэ сэгэтэн биэрэр.
Учуутал мэлдьи учуутал. Сылтан сыл аастаҕын аайы кини сууһунэн дьоҥҥо
ытыктанар, убаастанар.
Билэбит учуутал улэтэ бары идэттэн уустуктара. Бу — оҕону киһи
оҥоруу, олох суолун булларыы, кини дьылҕатын тустээһин. Маны ситиһэргэ
утуө майгы-сигили, тулуур, дьулуур, дьоҕур, аһыныгас уонна ирдэбиллээх
буолуу, хомоҕой өй уонна оҕоҕо таптал ирдэнэр.
Умнубаппыт учууталларбыт ыраас мөссүөннэрин, ийэлии амарах
сыһыаннарын, алгыстаах сүбэлэрин.
Махтанабыт сырдыкка-кэрэҕэ уһуйбуттарыгар, кэскиллээх суолу
арыйбыттарыгар, улэһит киһи үтуөтэ оҥорбуттарыгар.

Кеша Сыроватскай - Маҥнайгы учууталым Елизавета Федоровна
Афанасьева этэ. Курбуу курдук үрдүк унуохтаах, арылыччы көрбүт киэҥ
харахтаах, сыыйыллаҕас көнө муруннаах, куп-кугас хойуу уһун баттаҕын өрүнэн
баран төбөтүн оройугар хас да хос гына эринэн кэбиһэр үгэстээҕэ. Учууталбытын
бары остуоруйар, олоҥхоҕо кэпсэнэр Айыы-Куо илэ бэйэтинэн түһэ сылдьарын
курдук ис сүрэхпититтэн ылынан, хас хамсаныытын, тутгуутун-хаптыытын
оҕолуу сырдык-ыраас дууһабытынан умсугуйа, таптыы көрөрбүт.
Вася Бочкарев - Колодезникова Анна Николаевна 1952с. «0» кылааска
үөрэппит учууталым наһаа күндү, ыраас халлаан курдук сырдык өйдөбүлэ
сүрэхпэр мэлдьи баар. Киһи олоҕор ийэтин кэнниттэн чугас, күндү киһи
маҥнайгы учуутал буолар. Элбэх учууталга, академикка үөрэммитим да бастакы
учууталым уобараһа хаһан да сүппэт, сотуллубат.
Маша Прибылых - Мин маҥнайгы учууталым Евдокия Максимовна
Сивцева. Өрүү олус истиҥник, наҕыллык саҥарара. Отучча араас сайдыылаах
оҕолору ааҕарга-суруйарга, ахсааҥҥа үөрэтэн-такайан, үйэбит тухары үлэлиир
идэбитин булан олордохнут.
Настя Бурнагиева - Чэриктэй начальнай оскуолатыгар 1952с. «0»
кылааска 8 оҕону маҥнайгы учууталбыт Иннокентий Иванович Дягтерев
үөрэппитэ. Маҥнайгы кылааска Мария Прокопьевна Семенова, нуучча тылыгар

56