Page 48 - Афанасий Алексеев Ытык иэс

Сэрииттэн тыыннаах эргиллибиттэр

1. Алексеев Онисим Дмитрьевич. 1912 сыллаахха Ситимнэһиигэ
<■ Миичэ өтөҕөр» төрөөбүтэ. Түүлээххэ уонна куорат оскуолатыгар
үөрэммитэ, педагогическай училищены бүтэрбитэ. 1932 сыллаахха
Садын оройуонугар Чуона нэһилиэгэр Туой Хайаҕа биэс кылаастаах
оскуолаҕа үс сыл учууталлаабыта. Онтон Садын нэһилиэгэр түөрт
кылаастаах оскуолаҕа икки сыл үлэлээбитэ. Салгыы Сунтаар оро-
йуонун Хадан нэһилиэгэр учууталлаабыта. Оройуон Ситэриилээх
Комитетын быһаарыытынан, 1936 сыллаахха үчүгэй үлэтин иһин
киниэхэ үлэ удаарынньыгын бочуоттаах аата иҥэриллибитэ. 1938
сылтан Т ү ү л э э х оскуолатыгар учууталлаабыта. 1941
сыллаахха атырдьах ыйын 15 күнүгэр Чурапчы военкоматынан
армияҕа ыҥырыллыбыта. Мальтаҕа офицерскай курска үөрэнэ сыл-
дьан, ыалдьан, доруобуйатынан сыыйыллан, дойдутугар кэлбитэ.
1941-1942 сс. үөрэх дьылыгар Түүлээх оскуолатыгар учууталлаа-
быта. Доруобуйата мөлтөөн, үлэтиттэн уурайбыта, 1945 сыл саас
елбүтэ.
2. Алексеев Василий Васильевич. 1924 сыллаахха Ситимнэһии-
гэ «Валаҕаннаахха» төрөөбүтэ. 1931 сылтан 1940 сылга диэри Түү-
лээх, Танда, Дьокуускай куорат иккис оскуолатыгар үөрэммитэ.
1940 сыллаахха педагогическай институт физико-математическай
факультетыгар үөрэнэ киирбитэ. 1942 сыллаахха Дьокуускай куорат
военкоматынан армияҕа ыҥырыллыбыта. Мальтаҕа 120 мм полковой
минометтар отделениеларын командирын курсугар үөрэммитэ. Икки
ый үөрэммитин кэннэ, замполитынан пулеметнай ротаҕа анаммыта,
манна 1943 сыл кулун тутар ыйга диэри сулууспалайбыта. Улан-
Удэ чугаһыгар Дивизионная станцияҕа 82 мм 'батальоннай миномет-
тар взводтарын командирдарын бэлэмниир младшай лейтенаннар
курстарыгар минометнай ротаҕа курсаннаабыта. Байыаннай уокурук
бачаҕан ыйын 11 күнүнээҕи 0970 №-дээх бирикээһинэн киниэхэ
«младшай лейтенант» званиета иҥэриллибитэ. Иркутскай куоракка
23-с туспа саппаас офицерскай полкаҕа сулууспалаабыта. 1943 сыл-
лаахха сэтинньигэ Арҕааҥҥы фроҥҥа тиийбитэ. Сэриилэһэр армияҕа
144-с сд. сп. 1-гы батальонун, 1-гы минометнай ротатын, 2-с взводун
командирынан анаммыта. Орша куораттан саҕалаан, Витебскай ту-
һаайыытынан кимэн киириигэ кыттыбыта. 1943 сыллаахха ахсынньы
27 күнүгэр ыараханнык бааһырбыта. Тоҕус ый устата эмтэнэн
үтүөрбүтэ.
1944 сыл алтынньыга армияттан демобилизацияланан, Дьокуус-
кайдааҕы педагогическай институт 3-с курсугар үөрэҕин салҕаабыта.
1946 сыллаахха институту бүтэрбитэ. Үөрэммит факультетыгар ас-
систенынан, старшай преподавателинэн, кафедра сэбиэдиссэйинэн,
физико-математическай факультет деканынан үлэлээбитэ. Саха Рес-
публикатын оскуолаларын үтүөлээх учуутала, Россия норуотун
үөрэҕириитин туйгуна, В. В. Алексеев бойобуой үтүөлэрэ Кыһыл
Сулус орденынан, Аҕа дойду сэриитин I степеннээх орденынан (юби-
лейнай), «Германияны кыайыы иһин» медалынан бэлиэтэммитэ.
3. Алексеев Егор Васильевич. 1914 сыллаахха Ситимнэһиигэ
«Балаҕаннаахха» төрөөбүтэ. Үөрэҕэ суох. Хонууга үлэлээбитэ, фер-
46