Page 57 - Афанасий Алексеев Ытык иэс

даан, Мугден куораты ылбыттара. 950 км сири 17 хонук устата сэ-
риилэһэн босхолообуттара. 1946 сыллаахха дойдутугар эргиллэн
кэлбитэ. Колхозка, совхозка хонууга үлэлээбитэ, кадровай булчуту-
нан сылдьыбыта. «Бойобуой үтүөлэрин иһин», «Японияны кыайыы
иһин» медалларынан, Аҕа дойду сэриитин II стененнээх орденынан
(юби ейнай) наҕараадаламмыта.
34. Винокуров Захар Васильевич. 1924 сыллаахха Кылаайыга
«Баһыкыапка» төрөөбүтэ. Түүлээх оскуолатын 6-с кылааһын бүтэр-
битэ. Колхозка хонууга үлэлээбитэ. 1942 сыллаахха бэс ыйын 27
күнүгэр Чурапчы военкоматынан армияҕа ыҥырыллыбыта. Сборга
Мальтаҕа 548-с сп. минометнай ротаҕа сылдьыбыта. Онтон Даурия
сганцияҕа саҥа тэриллибит 21-с артиллерийскай полкаҕа связистаа-
быта. Званиета — рядовой. Бу полк кэлин 1143-с саппаас артилле-
рийскай полка буолбута. Атырдьах ыйын 9 күнүттэн балаҕан ыйын
3 күнүгэр диэри Японияны утары сэриигэ кыттыбыта. Холун-Аршан
куорат туһаайыытынан Хинган хайатын туораан, Таонань куораты
сэриилээн ылбыттара. Кэлин Приморьеҕа Раздольное станцияҕа
артиллерийскай бригадаҕа орудие наводчигынан сулууспалаабыта.
1947 сыл муус устар ый бүтэһик күннэригэр дондутугар кэлбитэ.
Хонууга биригэдьииринэн, Ааллаах Үүҥҥэ айанньытынан, сылгы
ферматын сэбиэдиссэйинэн, тутуу биригэдьииринэн уонна колхоз
араас үлэлэригэр 1960 сылга диэри, онтон дьааһылаҕа завхоһунан
үлэлээбитэ. «Бойобуой үтүөлэрин иһин», «Японияны кыайыы иһин»
медалларынан, «Аҕа дойду сэриитин II степеннээх орденынан (юби-
лейнай) наҕараадалам.мыта. 1988 сыллаахха өлбүтэ.
35. Винокуров Константин Алексеевич. 1921 сыллаахха Хатты-
гыга «Лиэпчик өтөҕор» төрөөбүтэ. Бэһис кылааһы Түүлээх оскуола-
тыгар бүтэрбитэ. Хонууга үлэлээбитэ. 1913 сыллаахха бэс ыйын
8 күнүгэр Чурапчы военкоматынан армияҕа ыҥырыллыбыта. Мон-
голияҕа Улан-Свертка сборга сылдьыбыта. Званиета — рядовой. 24-с
мотострелковай полкаҕа автоматчигынан, пулемегчигынан, бронебой-
щигынан сылдьыбыта. Атырдьах ыйын 9 күнүттэн балаҕан ыйын 3
күнүгэр диэри Японияны утары сэриигэ кыттыбыта. Улахан Хинган
хайаларын туораан, Мугден куорат таһыгар тиийэн, сэриини түмүкг
тээбиттэрэ. Ол кэнниттэн Амурскай-Забайкальскай 39 №-дээх уо-
куруктааҕы мастерскойугар 6 ыйдаах портной курсугар Хабаров-
скайга үөрэммитэ. Читаҕа Песчанка станцияҕа офицер таҥаһын
тигэр мастерскойга биир сыл үлэлээбитэ. 1947 сыллаахха муус ус-
тар ыйга дойдутугар кэлбитэ. Колхоз сыыппаратыгар Покровскай-
дааҕы леспромхозка «Мохсоҕоллооххо» икки сыл мас кэрдээччинэн,
онтон колхозка хонууга үлэлээбитэ. 1957 сылтан радиһынан, кии-
нэҕэ II кылаастаах моториһынан үлэлээбитэ. «Японияны кыайыы
иһин», Аҕа дойду сэриитин II степеннээх орденынан (юбилейнай)
наҕараадаламмыта. 1988 сыллаахха өлбүтэ.
33. Винокуров Михаил Данилович. 1923 сыллаахха Кылаайыга
«Баатаҕай өтөҕөр» төрөөбүтэ. Түүлээх 4 кылаастаах оскуолатын,
Мүрү орто оскуолатын 6 кылааһын үөрэнэн бүтэрбитэ. Хонууга,
онтон биригээдэҕэ секретарынан, биригэдьииринэн үлэлээбитэ. 1943
сыллаахха бэс ыйын 8 күнүгэр Чурапчы военкоматынан армияҕа
ыҥырыллыбыта. Читинскэй уобаласка Шахтома диэн сиргэ сборга
сылдьыбыта. Шахтаҕа үлэлиир дьоҥҥо дьиэ тутуутугар штукатур-
55